Албанскиот премиер Еди Рама порача дека компанијата „Шел” е блиску до многу важно откритие за гас и нафта во Албанија, што многу ќе влијае не само на иднината на земјата, туку и на енергетската иднина на Европа, пренесуваат албанските медиуми.

Полни сме со надеж дека наскоро ќе можеме да ја информираме јавноста во нашата земја и регионот, но и надвор од регионот, за едно многу важно откритие на кое работи „Шел” во нашата земја. Тие одбиваат да зборуваат за тоа, но има знаци дека сме блиску до многу важно откритие гас и нафта – изјави Рама за време на неговата посета на Холандија.

Рама разговарал со претставници на холандски компании кои работат во Албанија и со други инвеститори заинтересирани за проширување на нивните активности.

Во мај 2019 година, компанијата „Шел“ објави дека истражувањата во близина на градот Берат, во централна Албанија, ја потврдиле можноста за значително откритие на нафта.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.