Премиерот на Албанија, Еди Рама на својот Фејсбук профил посочува дека Бугарското Министерство за надворешни работи имало проблем со неговиот начин на разговор.

Тој вели дека ова е доволно фер бидејќи и тој има проблем со начинот на кој Бугарија сака да ги реши билатералните прашања.

„О! Бугарското Министерство за надворешни работи има проблем со мојот начин на зборување! Доволно е фер. И јас имам проблем со начинот на кој Бугарија сака да ги реши билтаралните прашања користејќи го процесот на проширување како средство за киднапирање на две земји од НАТО! Лесно пријатели: Подигнете ВЕТО или издржете со мене!“, вели Рама.

Во друг твит пак, Рама појаснува дека доволен бил еден разговор со поранешниот премиер Бојко Борисов за да се реши прашањето за бугарско малцинство во Албанија.

„И патем да ве потсетам драги пријатели Бугари дека беше потребен краток телефонски разговор @BoykoBorissov пријателски и искрено да се реши прашањето за бугарското малцинство во Албанија!“, порача Рама.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.