Нова група од 30 унгарски полицајци ќе пристигне во Македонија како помош во врска со задачите за контрола на границите, соопштија националните полициски сили на Унгарија (ОРФК) на својата веб-страница во понеделникот.

Унгарската полиција е посветена да ги спречи илегалните мигранти да влезат во Унгарија и во Европската унија, се наведува на веб-страницата.

Унгарските полицајци ќе патролираат на границите но и области во Македонија за да спречат нелегален влез, но и приведување на шверцери со луѓе, се вели на веб-страницата, додавајќи дека единицата ќе биде под локална команда.

На веб-страницата исто така се наведува дека полицајците кои се враќаат од Македонија и Србија, исто како приватните лица кои се враќаат од тие земји, ќе останат во изолација сè додека не тестираат негативни на „Ковид-19“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.