Потрагата по Матеј Периш (27), кој исчезна ноќта меѓу 30 и 31 декември, влезе во 19-ти ден, а никој со сигурност не може да потврди дали младиот сплиќанец влегол во Сава.

Инспекторите на белградската полиција, врз основа на последното видео снимено од камерата на ресторанот Саванова, се обидуваат да утврдат дали силуетата што се гледа на дното на видеото одговара на исчезнатиот младич Матеј Периш.

Не можам со целосна сигурност да кажам дали момчето што оди по скалите е мојот син. Снимката е лоша и нецелосна. По одот ми личи дека се работи за мојот Матеј, но не сум целосно сигурен. Морам да кажам дека ова е работа за полициски вештак, вели Ненад Периш, татко на исчезнатиот млад човек.

Според него, од видеото може да заклучи дека „темпото на спуштање на таа силуета и она на Матеј е исто“.

Верувам во работата на белградската полиција. Верувам и дека син ми е жив, иако шансите се помали сега. Тешко ми е, како и на секој родител во мојата ситуација, вели Периш.

Тој потврди дека секојдневно е во контакт со ќерките и сопругата кои очекуваат да се врати со Матеј.

Се слушам и со еден пријател на мојот син. Не им е лесно поради сè што се случи. Само ми рекоа дека „не го побарале веднаш затоа што мислеле дека разговара со некого“, вели Периш.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.