Претседателот на Хрватска, Зоран Милановиќ, изјави дека во случај на вонредна состојба, би купил вакцини против коронавирусот „и од чеченската мафија”.

Сите се измамени, но вакцините повторно доаѓаат сега и мислам дека лекарите по улици ќе бараат луѓе да се вакцинираат. Не мора да го слушаме Брисел за сè. Но, ова не е суверенизам туку елементарна должност на државата кон граѓаните. Исто така, би купил вакцини од чеченската мафија, доколку се достапни. Ако станува збор за мои граѓани. Работиш во свој интерес – изјави хрватскиот претседател синоќа за хрватската телевизија Нова.

Запрашан како гледа на фактот дека Европската унија го постави прашањето како е тоа што Русија нуди вакцини, а не ги вакцинираше ниту нејзините граѓани, Милановиќ оцени дека тоа е логично прашање.

Па, мојот син исто така го доведе во прашање тоа, а тоа значи дека немаат доволно вакцини и дека сигурно нема да се грижат за Хрватска и Србија. Ме интересира колку од тие вакцини пристигнаа во Унгарија. Симболично. Но, не можете да ги вакцинирате луѓето симболично, туку навистина – оцени хрватскиот претседател.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.