Во болница во грчкиот град Солун, утрово избил пожар во кој настрада едно лице, соопшти противпожарната служба.

Според истиот извор, телото на едно лице било пронајдено на вториот кат од болницата „Папаниколау“, во која се лекуваат болни од корона вирус, пренесе АП.

Не е јасно што е причина за пожарот, како ни дали во зградата од болницата уште има пациенти или медицински персонал.

На видео-снимките се гледа црн, густ чад кој излегува од два прозорци на еден од подолните катови на болницата.

Во гасењето на пожарот учествуваат 30 пожарникари со 11 возила.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.