Потврдата за прележан Ковид-19 за граѓаните на Кипар се намалува од 180 на 90 денови, а одлуката на Владата стапува во сила на 31 јануари 2022 година.

Од Министерството за здравство на Кипар соопштуваат дека независно од тоа кога е извадена потврдата, важноста ќе биде до 90 дена по првиот позитивен резултат и ќе важи за внатрешноста на земјата.

На самата потврда и понатаму ќе пишува дека е валидна 180 дена согласно европските правила, но шесте месеци ќе бидат само за патување вон границите на Кипар и согласно условите и ограничувањата на другите земји.

Потврдата за прележан Ковид-19 и во Грција важи три месеци, откако на почетокот на декември минатата година, со одлука на Владата, валидноста беше намалена од 180 на 90 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.