Од денеска почнува наплатата на патарината на нововотворената делница низ Грделичката Клисура, на автоапатот Е-75 од Дољевац до Прешево кон Македонија, соопштија од Јавното претпријатие „Патишта на Србија“.

Патарината за патнички возила ќе изнесува 540 динари или околу 4,5 евра. Патарината, ќе почне со работа в сабота на 15 јуни, во 12 часот, а за автобуси ќе изнесува 1.620 динари и за камиони 3.240 динари.

Како што најави директорот на „Патиштата на Србија“ Зоран Дробњак, српската Влада го прифатила барањето за зголемување на цените на патарината за автопатиштата низ Србија за 12 отсто, а новите цени ќе стапат во сила од 1 јули.

Според ова, возачите од Македонија кои патуваат од Прешево до Белград со автомобил, од 1 јули со новата патарина низ Грделичка клисура од 540 динари и со покачување на цените од 12 отсто, ќе плаќаат во еден правец 1.740 динари или речиси 15 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.