Парламентот го одобри овој потег на гласање доцна синоќа. Конзервативната влада предводена од премиерот Киријакос Мицотакис го поднесе амандманот.

Законот се применува и кога криминалците ќе го напуштат раководството на својата партија и на свое место ќе назначат лице без кривична пресуда.

Претходно важеше закон кој ги исклучуваше лицата чија осуда за кривично дело била потврдена на повисокиот суд.

Според новиот закон, оддел на грчкиот Врховен суд ќе биде одговорен за исклучување на таквите партии.

Донесувањето на законот уследи по обидот на поранешните членови на екстремно десничарската расистичка партија Златна зора да учествуваат на претстојните парламентарни избори во Грција со новата партија Грци за татковината. Изборите мора да се одржат најдоцна до јули.

Во 2020 година, судот во Атина го осуди целото раководство на Златна зора и многу нејзини членови на неколку години затвор за основање криминална организација.

Партијата претходно имаше претставници во парламентот и накратко беше трета најсилна грчка партија за време на финансиската криза. На изборите во 2019 година не успеа да го надмине прагот од три проценти и оттогаш нема ниту еден пратеник во парламентот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.