Специјалниот претставник на САД за Западен Балкан, Метју Палмер не ја исклучи можноста за размена на територии меѓу Србија и Косово.

На страните им останува да ги утврдат параметрите на дијалогот, истакна Палмер во интервју за порталот „ЕУобсервер“ во Брисел, запрашан за планот за размена на територии, пренесе српската новинска агенција БЕТА.

Тој посочи дека ги поддржува „страните да најдат начин да се вратат на преговарачката маса, да ги стават сите важни прашања на масата за преговарање и да најдат начин за нормализирање на односите“. – Идеално би било со взаемно признание. Ние би сакале да го видиме взаемното признавање на Србија и Косово како резултат на тој процес, посочи Палмер.

Тој не одговори на дополнителни прашања за тоа дали ставот на САД е во спротивност со позицијата на Германија дека договорот меѓу Србија и Косово за размена на територии може да го дестабилизира регионот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.