Бројот на новозаразени од коронавирус во Црна Гора е во постојан пад од 3 април, кога е забележан најголем број на случаи на болеста во еден ден – 37, соопшти црногорскиот Институт за јавно здравје.

Во последните 24 часа се регистрирани три нови случаи, а тестирани се вкупно 167 лица. Вчера од 315 тестирани, коронавирусот е потврден кај 8 лица.

Во Црна Гора од 17 март кога е регистриран првиот случај до денес се потврдени 252 случаи на зараза со коронавирус, а како резултат на ковид-19 починале две лица.

Во Црна Гора во моментов се лекуваат 41 пациент, од кои четворица се на респиратор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.