Седумстотини eвра ќе ве чини брзото возење во Грција ова лето, 200 евра поминување преку полна линија или возење со алкохол во крвта, а 700 евра исто така би платиле ако преминете на црвено светло или ако го игнорирате стоп знакот кој ќе ви го покажат полицајците на патот.

Не е првпат Грците да ги менуваат казните пред почетокот на летото, но овојпат има уште еден детал – за одредени прекршоци не се плаќа, но властите можат да ви ги одземат табличките и возачката дозвола на подолго време, па дури и до 60 дена за одредени прекршоци.

Тоа се однесува на следниве прекршоци:

  • Користење на мобилен телефон додека возите
  • Не носење појас
  • Ако немате кацига кога возите мотоцикл
  • Превоз на дете во автомобил без детско седиште
  • Ова воедно важи и за поминување на црвено каде табличките и дозволата се одземаат на време од 20 дена.

Повеќето патишта во Грција, иако имаат две ленти и наликуваат на автопат, имаат ограничување од 100 километри на час.

За непрописно претекнување казната ова лето ќе изнесува 80 евра, додека за пречекорена брзина до 20 км/час од дозволеното се плаќаат 20 евра.

Извор: Плусинфо



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.