Словенија од понедленик почнува со масовно тестирање на населението за корона вирус, најави словенечкиот премиер Јанез Јанша.

Премиерот појасни дека тоа ќе се спроведе преку брзи антигени тестови и ги повика луѓето да бидат тестирани со цел да се идентификуваат можните асимптоматски случаи и да се сузбие епидемијата поефикасно.

Владата објави дека ски-туризмот ќе биде дозволен од сабота, но посетителите ќе мора да имаат негативен тест за Ковид-19. Антигени тестови ќе се вршат од утре на граничните премини за оние кои сакаат да влезат во Словенија и да избегнат мерки за карантин.

Секој што ќе пристигне во земјата од „црвените“ зони ќе може да влезе без карантин, но само доколку има негативен тест од последните 24 часа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.