Вишото јавно обвинителство во Белград поднесе обвинение против професорот по глума Мирослав Мика Алексиќ, пренесуваат српските медиуми.

Обвинението се однесува на неколку кривични дела, и тоа: две продолжени кривични дела силување, две кривични дела силување и пет кривични дела недозволени полови дејствија кои се на штета на седум оштетени.

Обвинителството бара и да се продолжи неговиот притвор, за што треба да одлучи Вишиот суд во Белград. Поради заштита на приватноста на учесниците во постапката, предложено е јавноста да биде исклучена во текот на главниот претрес, информираат српските медиуми.

Познатиот професор по глума, Алексиќ, беше посочен како силувач од страна на негови ученички актерки, а прва јавно проговори Милена Радуловиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.