Во Белград нема да биде воведен полициски час, туку целосна забрана за јавни собири и на групирања за повеќе од 10 лица на отворен и затворен простор. Сите продавници и трговски центри ќе бидат затворени од 21 до 06 часот.

Српската премиерка Ана Брнабиќ, по денешната седница на Кризниот штаб, соопшти дека разговарале за враќање на некои од рестриктивните мерки кои беа во сила во април и мај, но не за целата територија на Србија, туку само во погодените области.

Во понеделникот, српскиот претседател Александар Вучиќ изјави дека во Белград е алармантно бидејќи таму се над 80 отсто од заразените во Србија и најави можност за повторно воведување полициски час во српската престолнина, поради што почнаа и протестите.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.