Црногорскиот совет за борба против коронавирусот одлучи да ги укине скоро сите епидемиолошки мерки во земјата од денеска, откако Црна Гора забележа најмал број нови случаи од јули 2020 година.

Просечниот број на нови инфекции минатата недела беше 18, додека вкупниот број на активни случаи со коронавирус 380.

Прва доза вакцинира примиле 30 проценти од возрасната популација на Црна Гора, додека четвртина од возрасната популација во земјата е целосно имунизирана.

Од денеска сите угостителски објекти можат да работат без работно време, додека до сега им беше дозволено да работат до полноќ. Дозволена е и работата на ноќните клубови, но влез е дозволен со негативен тест за коронавирус или потврда за вакцинација. Истите правила важат за казината на кои повторно им е дозволено неограничено работно време.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.