Претседателот на Србија, Александар Вучиќ изјави дека во тек на борбата со коронавирусот направил само една грешка.

Само една грешка направив – рекол Вучиќ, а потоа додал:

Поради Устaвот…Да не ја направев, не би имале ни четвртина од проблемот.

Вучиќ потоа открил која била таа грешка.

Ги пуштивме сите наши луѓе луѓе во земјава!

Претсeдателот на Србија потсетил дека сите авиони на ЕР Србија оделе по српските граѓани, два пати во Париз, Амстердам, Москва, Доха, Истанбул…

Ги молам како Господ тие луѓе за дисциплина. Покажавме колку Србија има големо срце, бидејќи Србија е добра на сите кога им е тешко. Затоа е и една и едиствена, наша татковина – заклучил Вучиќ.

Српскиот претседател говорејќи за ширењето на коронавирусот, изјави дека очекува од денеска да почне да се зголемува бројот на заразени лица, меѓу другото и затоа што со новата стратегија ќе се зголеми бројот на тестирани лица.

Како што јави дописникот на МИА од Белград, Вучиќ додаде дека за десетина дена, бројот на тестирани може да се очекува да биде 3.000, но оти ова е најдобриот начин да се задржи пандемијата и да се спречи вирусот да се шири на што повеќе луѓе.

Тоа е нешто со што треба да се справиме и подобро е да го сториме тоа што е можно поскоро … Имаме поголем број лица на респиратори и затоа е важно да се спречи со вирусот да се заразат уште многу луѓе, кажа тој, додавајќи дека е договорено со кинеските експерти да се постави голема лабораторија, која ќе може да направи 2.000 тестови на ден – рече Вучиќ.

Тој повтори дека денеска е далеку најтешкиот ден, со најмногу тестирани и дека утре ќе биде уште полошо.

За првпат, ќе имаме прецизна слика за тоа колку заразени лица влегле од странство. Се плашиме дека тоа е ужасно голема бројка.Белград е далеку најголемо жариште, следи Ниш и Ваљeво. Кикинда беше најголем жариште на почетокот- им изјави Вучиќ на новинарите во Штарк арена.

Тој порача дека надлежните наскоро ќе излезат со нови мерки за Белград, Ниш и Ваљево.

Во врска со веќе подготвениот карантин на Белградскиот саем со 3000 лежаи, тој порача дека „сите ќе мора да одат на Саем, ако имаат вирус.“

Некој тука треба да помине 14 до 21 ден, а она што нема да му биде комфорно тоа не ме интересира, ние се бориме за животите на луѓето и ако некој мисли како ќе се шминка или да мие заби четири пати на ден, е нема, ќе ги пере еднаш дневно – додаде српскиот претседател.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.