Нападот врз поранешниот фудбалер Дарко Ковачевиќ пред неговата куќа во Атина најверојатно бил предупредување, шпекулираат грчките медиуми.

Според грчките медиуми, Ковачевиќ бил ранет во ногата, а фактот дека напаѓачот не пукал да го докрајчи кога Србинот бил на земја говори дека станува збор за предупредување. Како што пренесува „еникос.гр“, пукачот му рекол на фудбалерот дека ова е предупредување.

Дефинитивно не станува збор за грабеж, но според околностите се чини дека ова е предупредување до Дарко Ковачевиќ. Тој и кажал на полицијата дека нема непријатели во Грција, но Дарко паднал на земја, се обидел да побегне, а напаѓачите не тргнале по него. Се чини дека е испратена порака за предупредување, пренесуваат дел од грчките медиуми.

 

Српската фудбалска легенда, по завршување на професионалната кариера беше и директор на „Олимпијакос“, како и скаут на клубот, кратко време бил во Србија и во ФФС, а сега се вратил во Атина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.