Бурекот е карактеристичен балкански специјалитет на кој се горди неколку народи во регионот.

Неговата популарност е причина за да има различни варијанти, од потрадиционланите, месо, сирење, спанаќ, компир, во последните неколку години имаше и други варијации. Една од најпопуларните е бурек со вкус на пица, но слатка варијанта на бурек со крем од чоколадо и лешник.

Сепак, една пекара во Бор во Србија, се чини отиде најдалеку во иновацијата на бурекот па на своите муштерии им нуди бурек со плескавица..

Креативниот пекар прави спој на двата, можеби најомилени балкански специјалитети, со што добива јадењето наречено „хамбурек“.

„Хамбурекот“ предизвика бројни реакции меѓу балканските гурмани, па многумина ја поздравуваат идејата и сакаат што поскоро да го пробаат, додека други сметаат дека оваа комбинација на вкусови е претерана.

Има и такви кои предложиле и нова комбинација, па сметаат дека треба да се направи и бурек со сарма.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.