Мигранти во прифатен центар на Малта запалиле пет возила и повредиле полицаец за време на протестите, во кои бараат слобода.

Насилството избило синоќа во поранешната британска касарна во близина на аеродромот на Малта.

Мигрантите преземале контрола врз дел од кампот, но според портпарол на полицијата, ситуацијата рано изутринава била смирена.

Очевидци тврдат дека мигрантите запалиле неколку соби, како и автомобили кои им припаѓаат на персоналот, а оштетено е и едно полициско возило, при што полесно е повреден полицаец.

Прифатните центри на Малта се пренаселени поради ограничените капацитети, откако во текот на летото во таа земја пристигнаа неколку стотици мигранти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.