Сè што имаше Грција да каже, јасно го кажа во ОН, и за нејзините црвени линии и за пријателското расположение кон турскиот народ. Другата страна може монотоно да ги повторува своите лаги и закани и во тоа сепак останува сама, порача грчкиот премиер Кирјакос Мицотакис на денешната владина седница, јави дописничката на МИА од Атина.

Говорејќи за односите и ставовите на Турција, Мицотакис истакна дека Грција останува смирена и со самодоверба во своите позиции усогласени со меѓународното право и со поддршката на сојузниците.

– Наместо потпалувачки зборови, конечно да изберат креативни постапки и да го изберат патот на суштински дијалог. Наспроти нив, на крајот на краиштата, не ја имаат само Грција, туку ја имаат цела Европа, како и нашите сојузници во НАТО – порача грчкиот премиер на почетокот од денешната владина седница.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.