Во пожар што изби неколку часа по полноќ во куќарка во рамките на отворениот бегалски камп „Кара Тепе“ на грчкиот остров Лезбос, животот го загуби 27-годишна жена, јави дописничката на МИА од Атина.

Од грчката противпожарна служба соопштуваат дека пожарот бил мал, а за време на гаснењето било пронајдено безживотното тело на жената.

Според локалните медиуми од островот станува збор за бегалка од Авганистан која во кампот живеела заедно со нејзиниот сопруг и трите малолетни деца.

Мажот успеал да ги спаси децата од огнените јазици, а во обидот да ја спаси и жената се онесвестил и бил пренесен во болница, но е вон животна опасност.

Причината за пожарот е се уште непозната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.