Во Врање се зголеми бројот на заболени од коронавирусот.

Во градот денес се регистрирани 127 нови случаи на коронавирус, што е значително повеќе отколку во средата, кога имаше помалку од сто. Епидемиологот Бранислав Тиодоровиќ за РТС вели дека причината за скокот на бројот на заболени е што луѓето малку се опуштиле, но и дека граѓаните на Македонија масовно доаѓаат во продавниците во Врање.

Туристички агенции организираа шопинг тури во Врање, откако се укинаа ПЦР тестовите за влез во Србија. И во Србија генерално расте бројот на заболени. Дневно имаат до 2.000.

Во Србија болниците повторно се полни и стигнуваат сѐ потешки случаи. Расте бројот на хоспитализирани пациенти заболени од Ковид-19, вели директорот на Клиниката за инфективни и тропски болести д-р Горан Стевановиќ, по состанокот со министерот за здравство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.