Во голем магацин во една љубљанска населба ноќеска изби пожар поради што над овој дел од словенечката престолнина се шири густ чад.

На локалните жители препорачано им е да останат во своите домови и да не ги отвораат прозорците, пренесе СТА.

Огнот се прошири од палети наредени покрај зграда и го зафати магацинот на неколку фирми каде има складирани и гуми, соопшти агенцијата за цивилна заштита.

Според полицијата, пожарот избил околу 4 часот утрово, а во зградата немало никој.

Пожарникарите се обидуваат да го изгасат огнот.

Сопрен е сообраќајот на автопатот северозападно од Љубљана и во околните улици, како и железничкиот сообраќај во регионот Горењска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.