Душан Спасојевиќ -Шиптар и Миле Луковиќ- Кум не беа убиени на 27 март 2003 година во Мељак! Два дена пред тоа и се предале на полицијата, па биле однесени во Централниот затвор  каде што биле најстрашно мачени, а потоа ликвидирани! Телата потоа во вреќи биле однесени во Мељак, па било соопштено дека пукале во тамошната полиција и биле убиени во пресметката.

Ова го тврди Сретко Калиниќ (48), главниот убиец на злогласната банда во својата книга „Земунски клан – кој е кој“. Тој во моментов издржува 40-годишна затворска казна во Забела за злосторствата на „земунскиот клан“ и неговото учество во атентатот на премиерот Ѓинѓиќ во 2003 година.

„Додека бев во притвор во воениот затвор (Специјалниот суд) неколку стражари ми кажаа дека Душан и Миле биле мачени во подрумот на Ц.З и дека е страшно да се слушаат нивните врисоци. Припадниците на САЈ ги ликвидирале и  ги однесоа мртви, во вреќи, со комбе кај Мељак.Таму им поставија бомби на мртвиот Кум, а на Душан автомат за да изгледа дека пукаат во полиција. „Кум“ всушност немаше оружје со себе кога почна да трча бидејќи му го зедов пиштолот на 12 март 2003 година, а Душан носел „берет“, а не митралез“, пишува Калиниќ во книгата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.