Валканите пари од аферата Рекет, кој ја тресе Македонија, но и целиот регион, оделе во Сојузот за Србија(СЗС) и тоа преку Вук Јеремиќ, открива српски Курир.

Јеремиќ, кој е еден од лидерите на СЗС, повеќе пати доаѓал во Скопје, каде се состанувал со луѓе од опкружувањето на Боки 13, меѓу кои клучен е Зоран Башановиќ, советникот на Зоран Заев.

Организатор на состаноците бил Башановиќ, кој е добар со Јеремиќ, па средил српската опозиција да добие пари. Не се знае дали тоа е позајмица или не, но сигурно е дека парите оделе за финансирање на протестите „Еден од пет милиони“. Станува збор за сума од повеќе илјадници евра. Тоа практично значи дека парите освен за Јеремиќ, оделе и кај другите лидери на СЗС, Бошко Обрадовиќ и Драган Ѓилас – открива изворот на Курир.

Додава дека Башановиќ бил задолжен парите од Боки 13 од Македонија да ги префрли во Србија.

Направил најмалку две трансакции вредни повеќе илјадници евра, а планот бил за време на летото да направат уште, но тоа им се изјаловило кога Јовановски завршил зад решетки, а потоа протече и снимка на која во Луј Витон ташна изнесува 1,5 милион евра од куќата на Орце Камчев – вели изворот.

Изворот тврди дека бизнис шемата била многу реална.

Од Македонија се финансираше се што беше против претседателот Александар Вучиќ. Тоа е сигурно. Од тој рекет добро се офајдија одредени српски структури. Се знае дека Драган Ѓилас повеќепати доаѓал кај Зоран Заев, а јасно е што е интересот, пари. И тоа не само за Ѓилас, туку и за целата српска опозиција. Повеќе од јасна е улогата на Башанавиќ, сите ги спои само влијание и кеш – вели изворот.

И лидерот на ЛДП, Чеда Јовановиќ се сретнувал со Боки 13 во Скопје. За тоа сведочат фотографиите од Инстаграм, кои Јовановски ги објавил во септември минатата година.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.