Република Кипар ќе го добие првиот официјален владин авион, што ќе биде донација од Грција, беше соопштено на денешната средба во Никозија на кипарскиот претседател Никос Анастасиадис и грчкиот премиер Кирјакос Мицотакис.

Мицотакис рече дека со оглед на тоа дека планираат модернизација на нивната флота на авиони, ќе го направат конкретниот гест кон Кипар, „за претседателот на Република Кипар или кој било друг владин функционер да може да се појавува и да се претставува со авион кој ќе ги носи боите и знамето на Република Кипар“.

Анастасиадис му се заблагодари на Мицотакис за донацијата „што се однесува на нешто што ѝ недостасуваше на Република Кипар и придонесува за патувањето на претседателот и министрите“.

Според грчките и кипарските медиуми Никозија од Атина ќе добие авион од типот „Ембраер-135ЛР“ (Embraer-135LR), има капацитет да пренесе 32 лица и четворица членови на екипажот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.