Прашање на часови а не денови е кога ќе бидат изгласани уставните амандмани во согласност со Преспанскиот договор, велат извори од Владата, пренесува „Катимерини“.

Како што наведува грчкиот дневен весник во статија објавена утринава, се очекува уставните измени да се изгласаат денеска, или најдоцна утре.

„Катимерини“ го цитира лидерот на македонската опозиција Христијан Мицкоски, кој вчера соопшти дека партијата нема да присуствува на собраниската седница за да не му даде легитимитет на процесот.

Седницата на која ќе се расправа за уставните амандмани треба да почне денеска во 13.00 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.