Италијанското обвинителство ја заврши првичната истрага против обемна мрежа на шверцери на дрога од дури десет земји, а осомничени се дури 237 лица, меѓу нив 117 Албанци.

За време на „Операцијата Крабурун“, италијанската полиција откри како работи мрежата на шверцери на кокаин, хероин и марихуана, кои доставувале дрога во Италија од Албанија, Турција, Холандија, Шпанија, Белгија, Македонија, Хрватска, Франција и Германија.

Лидери на оваа организација, според италијанските власти, се Франческо Абрузезе, Масимо Албанезе и Албанците: Едмонд и Алфред Беќири, Ндуе Сокоџи и Арбен Веjико.

Сите 237 наводни шверцери на дрога се осомничени и за производство на супстанции што ги мешале со хероин пред да ги продадат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.