Безбeдносните служби во регионот предводени од српската БИА го лоцираа водачот на Кавачкиот клан Радоје Звицер. Според сознанијата тој се наоѓа во една од земјите во Јужнат Америка.

По акцијата за апсење на Велимир Беливук, Звицер од Црна Гора преку Албанија побегна во Јужна Америка со лажен босански пасош.

Тој често ги менува земјите на престој а го чуваат тамошните нарко кланови со кои Кавачкиот клан соработува.

Она што за нас е интересно е што весникот „Новости“ пишува дека меѓу пасошите што Звицер ги поседува е и македонскиот.

Според информациите што ги поседуваме Звицер има фалсификувани документи на Македонија, Хрватска и на Украина. Без разлика на кокаинските картели неговото апсење е прашање на денови-пишува „Новости“.

Досега се знаеше дека неговиот Стефан Ѓукиќ кој требаше да го убие Звицер во Украина има македонски пасош, како и целото раководство на Шкаљарскиот клан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.