Пороен дожд, проследен со град, ја зафати Суботица попладнето по 14 часот. Огромна количина дожд падна за кратко време, па многу улици беа поплавени, пренесува РТС.

Најкритично е под железничкиот подвозник, кој е потопен заради огромниот прилив на вода, а сообраќајот е стопиран.
Пожарникарите и комуналните служби се ангажирани да извлечат возило со шведски регистарски таблички што е заглавено во водата под подвозникот. Според првичните информации, ветрот откорнал неколку дрвја во Палиќ. Издадено е предупредување за опасност од невреме во северниот дел на Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.