Во Грција во изминатите 24 часа има големо зголемување на распоредот за вакцинирање, по најавата на Владата за задолжителна вакцинација за оние над 60 години и заканите со казни од 100 евра за невакцинираните.

Според владини извори, во претходните 24 часа 17.500 лица постари од 60 години закажале термин за вакцинација, објави „Катимерини“.

Како што нагласија од Владата, досега таа бројка беше близу 2.600 дневно, а сега бројката е зголемена за речиси седум пати.

Согласно владината уредба од вторник, сите лица родени пред 31 декември 1961 година треба да примат најмалку една доза вакцина до 16 јануари 2022 година, а ревакцинацијата да биде завршена според пропишаната процедура во одредено време, во зависност на вакцината.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.