Грција планира од следната недела да го укине карантинот за патници од Европската Унија и уште пет други земји, вклучително и Србија, кои се вакцинирани или имаат негативен тест за Ковид-19, изјави денеска висок владин службеник. Грција, која излезе од децениската финансиска криза минатата година пред пандемијата, рече дека од средината на мај ќе го отвори својот туристички сектор, кој е клучен двигател на растот за нејзината економија.

Постепено ќе ги укинеме ограничувањата на почетокот на следната недела пред отворањето на 14 мај, изјави службено лице од Министерството за туризам, кое побара да не биде именувано.

Официјалниот претставник рече дека на граѓаните од Европската Унија и Србија, САД, Велика Британија, Израел и Обединетите Арапски Емирати ќе им биде дозволено да патуваат во Грција преку аеродромите во Атина, Солун, Ираклион, Ханија, Родос, Кос, Миконос, Санторини и Крф и два гранични премини.

Патниците од тие земји нема да бидат ставени во карантин доколку докажат дека примиле две дози вакцина против Ковид-19 или покажат негативен ПЦР-тест не постар од 72 часа пред нивното пристигнување, рече официјалното лице, додавајќи дека туристите ќе мора да ги почитуваат домашните ограничувања.

Минатиот месец, Грција го укина еднонеделниот карантин за израелски патници кои биле вакцинирани или имале негативен ПЦР-тест. За патниците од Велика Британија и Обединетите Арапски Емирати, исто така, потребен е втор задолжителен тест по пристигнувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.