Во хотелска соба во Каракас вчера бил пронајден мртов конзулот на Грција во Венецуела, објавија грчките медиуми.

Венецуелските медиуми пишуваат дека 55-годишниот Ангелос Харитос, веројатно починал од мозочен удар, јави дописничката на МИА од Атина.

Грчката новинска АНА-МПА објави дека Министерството за надворешни работи на Грција очекува од венецуелските власти да ги соопштат причините за смртта, но и дека засега не постојат знаци дека станува збор за кривично дело.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.