Најмалку три згради се евакуирани откако околу 8:30 часот по локално време се случила експлозија во областа Бејоглу во Истанбул, пренесуваат турските медиуми.

Експлозијата се случила под земја, поради што во воздух излетал капакот на една шахта, сведочат тамошните жители.

Наводно, дошло до спој на кабли, а веднаш по експлозијата низ улицата се ширел густ чад, поради што пожарникарите итно ги евакуирале станарите.

Како мерка за претпазливост исклучена е и струјата во целиот кварт.

„Уште синоќа забележавме дека нешто чади, а потоа утринава одекна експлозија. Потоа забележавме густ чад и во нашите станови. Кај нас навлезе во тоалетот и кујната“, вели еден од евакуираните станари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.