Во текот на судењето на Ваљевската криминална група пред Специјалниот суд во Белград обвинетиот Зоран Јеличиќ си го пресече вратот пред сите во судницата.

Медиумите објавија дека Јеличиќ се јавил за збор, излегол на судската говорница и велејќи: „Сега ќе се убијам пред сите“ од џебот извадил остар предмет и си го пресекол вратот, а успеа да пресече и вена.

За среќа, Јеличиќ има само површински рани, кои не се опасни по живот.

Стражата брзо реаграла и го спасила Јеличиќ од потешки последици.

На драмата во судницата и претходело тоа што Јеличиќ побарал изземање на судскиот совет и навел дека има 7 причини за тоа.

Успеал да наведе 4 но судијата го вратила во боксот за обвинети. Меѓутоа тој повторно се јавил за збор, и кога судијата Светлана Алексиќ му дозволила повторно да излезе на говорница, тој рекол дека, бидејќи ме му било дозволено да каже што има, дека ќе се убие.

Настанал хаос во судницата, веднаш скокнала стражата, но и лекарите од итната помош кои дежураат во зградата.

„Ваљевскиот клан“ во 2009 година во голема акција на полицијата е уапсен, за тешко убиство, злосторничко здружување, недозволено држење оружје и експлозивен материјал, изнуда и нанесување на лесни и тешки телесни повреди, и изнуда на пари.

Тогаш се лишени од слобода Милан Лазаревиќ, Зоран Јеличиќ, Милан Миљановиќ, Небојша Голоскоковиќ, Александар Павловиќ, Дејан Велимировиќ, Мирко Лазараевиќ, Марко Лиличковиќ и Александар Бошковиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.