Коалиционите партнери во грчката влада, Алексис Ципрас и Панос Каменос денеска, во 10.30 часот по локално време ќе одржат средба, во премиерската палата, на која што се очекува да разговараат за иднината на нивната соработка.

Информацијата ја објавија грчките медиуми, а состанокот не е официјално најавен ниту од кабинетот на Ципрас, ниту од Независни Грци, јави дописничката на МИА од Атина.

Она што е официјално најавено и потврдено е дека Панос Каменос, како лидер на Независни Грци, во 12.30 часот по локално време во атински хотел ќе одржи прес конференција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.