Бугарија има намера да затвори училишта, ресторани и продавници и да ги забрани сите спортски настани, приватни забави и екскурзии за да се спречи ширењето на вирусот.

Како што изјави министерот за здравство на Бугарија, Костадин Ангелов, за евентуалните нови мерки ќе се разговара в среда на седница на владата со цел да се спречи целосен колапс на здравствениот систем на државата.

Од почетокот на пандемијата во таа држава има 121.820 случаи на заразени со Ковид-19 во држава од седум милиони.

Колку и да сте подготвени, нема таков здравствен систем што може да издржи таков притисок. Не можеме да со дозволиме да ни умираат млади, стари луѓе, учители, лекари – изјави Ангелов.

Во изминатите 14 денови во Бугарија починаа 2.880 луше од последици од коронавирус. Според планот, од 27 ноември во Бугарија училиштата и факултетите ќе преминат на онлајн настава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.