Бројот на респиратори во Србија се третира како државна тајна, рече српската премиерка Ана Брнабиќ на денешната прес-конференција одговарајќи на новинарско прашање за тоа со колку респиратори располага државата.

Брнабиќ уште рече дека тоа било така во сите држави.

Претседателот на Србија, Александар Вучиќ, вчера на прес-конференција кажа дека Министерството за здравство треба да распише итна набавка на 15 респиратори, на што Брнабиќ денеска коментираше дека набавката е за секој случај, а не затоа што вакви апарати нема доволно.

Во Србија досега се регистрирани 19 случаи на заразени со коронавирус и сите се хоспитализирани.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.