Министерката за надворешни работи на Босна и Херцеговина Бисера Турковиќ денеска побара од претставниците на Европската унија на Босна и Херцеговина веднаш да и дадат статус на кандидат.

Турковиќ го упати овој апел откако неколку други земји ги поставија истите барања по руската инвазија на Украина.

– Во овие тешки и неизвесни времиња за безбедноста на Европа, ве молиме веднаш да и доделите на Босна и Херцеговина статус на кандидат за членство во Европската унија, напиша Турковиќ на Твитер, пренесува Кликс.

Како што нагласи таа, влезот во Европската унија гарантира мир и стабилност во Босна и Херцеговина и на Западен Балкан. Претходните денови Украина прво аплицираше за членство во Европската унија по итна постапка, а потоа Грузија и Молдавија. Европскиот парламент препорача Украина да добие статус на кандидат по итна процедура, а лидерите на ЕУ би можеле да разговараат за тоа на самитот следниот месец.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.