Бебето кое утрово било пронајдено во белградската населба Жарково, било штотуку родено, на себе сè уште ја имало папочната врвца и било крваво. Тоа не било пронајдено помеѓу гробните места, како што утрово информираа српските медиуми, туку недалеку од гробиштата во контејнер.

(фото: Милан Илиќ/РАС Србија)

Како што за „Блиц“ раскажува Слободан Цветковиќ, човекот кој го пронашол новороденчето, тоа било заврзано во црна ќеса за ѓубре. Тој утрово го шетал своето куче и кога се приближил до контејнерот да го фрли изметот, слушнал стенкање.

Во прв момент помислив дека мачка паднала во контејнерот и почнав да го разместувам ѓубрето за да ја ослободам. Така ја најдов ќесата од која доаѓаше звукот. Отворив и што ќе видам, раскажал Цветковиќ, кој веднаш повикал полиција и Брза помош.

Новороденчето сега е во добра состојба и згрижено во соодветна институција, но како што вели директорот на Универзитетската детска клиника во Белград, многу малку недостигало за оваа приказна да има лош крај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.