Во Албанија во последното деноноќие потврдени се 84 случаи на Ковид-19 што е прва двоцифрена бројка овој месец, во кој во просек дневно беа регистрирани по над 150 новозаразени.

Од тестираните 796 сомнителни случаи, Ковид-19 е дијагностициран кај 84 лица, најмногу од нив или 28 се во Тирана и по 12 во Драч и Скадар, останатите се во речиси сите региони во земјата. Исто така во изминатите 24 часа во списокот на оздравени се впишани 97 додека починале четворица пациенти, информираше Ровена Даја од Институтот за јавно здравје.

Според неа до сега во земјата направени се 61.214 тестови, позитивни на вирусот биле 9.279, оздравеле 5.020, додека починале 275 лица.

Моментно активни на болеста се 3.984, од нив 175 се хоспитализирани во двете ковид болници, при тоа 26 се во тешка здравствена состојба.

Албански лекари од оваа област и денеска побараа од Министерството да се зголеми бројот на тестирања и да се прават повеќе 2.500 тестови дневно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.