Раководствата на политичките партии кои се дел од обединетата албанска опозиција на вонредна седница одлучија следнот голем протест да го одржат утре со почеток во 19 часот пред Владата во Тирана.

Тоа ќе биде петти по ред голем протест на опозицијата.

Лидерот на Демократската партија, Љуљзим Баша го оценил протестот како извонреден и ја обвинил полицијата за насилство, најавувајќи продолжување на „политичката битка се до ослободување на Тирана и цела Албанија од Владата поврзана со криминалот“.

Поголема група граѓани денеска се собрани пред седиштето на полицијата во Тирана, со барање да бидат ослободени приведените од синоќешниот протест, кој беше преполн со насилни однесувања на демонстрантите, при што од фрлените молотови коктели и други тврди предмети повредени беа најмалку 15 полицајци.

Во очекување на Баша, со насобраните граѓани пред зградата на полицијата во Тирана е неговата сопруга Аурела Баша.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.