Регулаторниот завод за енергетика одобри зголемување на цената на енергијата за 4,4 пати за потрошувачите од домаќинствата кои месечно трошат повеќе од 800 киловати електрична енергија.

Така, домаќинствата кои ќе ја надминат оваа вредност повеќе нема да плаќаат енергија по 9,5 лека (5 денари), туку по 42 лека (22 денари) за киловатчас.

По предлогот на владата оваа цена најпрво ја прифати албанската електро корпорација, КЕШ, како ексклузивен снабдувач.

Опозицијата реагираше на одлуката и побара вакво поскапување да не се случува и приоритет да бидат граѓаните, а не интересот на владата.

Оваа одлука ќе се применува до 31 декември годинава а се смета дека ќе бидат погодени над 60 илјади домаќинства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.