Бројките на туристи кои ја посетиле Албанија во перодот јануари – ноември 2020 година покажуваат дека пандемијата предзвикала колапс во туристичкиот сектор во Албанија.

Според Институтот за статистика, ИНСТАТ, за еднаесет месеци на албанска територија бројките на туристи не се ни половина во однос на оние во истиот период претходната година.

Ограничувањето на движењата и затворањето на границите заради пандемијата создадоа драматична ситуација за туризмот каде што бројот на туристи е преполовен оваа година. Поконкретно, во периодот јануари – ноември Албанија ја посетија 2,4 милиони луѓе, што е огромно намалување во споредба со 2019 година, кога имавме над 6,1 милион туристи. Во проценти, падот изнесува 59,5 отсто – наведува ИНСТАТ.

И покрај значителното намалување, Албанија останува омилена дестинација за жителите на Косово. Според извештаите, 1,3 милиони од нив ја преминале границата, но и таа бројка е помала за 40,4 отсто во споредба со минатата година.

Најголем пад е забележан кај шпанските туристи со 90,7 отсто. Во Албанија престојувале 2.613 Шпанци наспроти 28.167 претходната година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.