Албанија ги отвори своите граници за туристите без никакви услови за влез во земјата. Министерството за надворешни работи прецизира дека негативен тест за Ковид 19, или какви било посебни документи, нема да биде потребен за влез во Албанија.

Министерството наведува дека границите на Албанија ќе бидат отворени за сите албански и странски државјани за време на туристичката сезона. Од 1 јуни повеќе не е задолжително носење маски надвор, но тие се задолжителни да се носат во затворени простории и на места каде што не е можно да се одржува социјална дистанца.

Времето на полициски час е скратено и сега трае од 23 до 6 часот наутро. Одлучено е и дека од 15 јуни ќе биде дозволено собирање до 15 наместо до 10 лица, а од 1 јули се планира уште повеќе да се скрати полицискиот час, односно од 24 на 6 наутро. – стои во соопштението на Министерството за надворешни работи

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.