Српскиот претседател Александар Вучиќ денеска изјави дека „има трема“ пред изборите в недела, но очекува повеќе од два милиона гласови во првиот круг.

– Сега можеби имам најголема трема за изборите од кога било досега … Би бил тажен ако не освојам 60 проценти – рече тој.

Во изјава за РТС Вучиќ додаде дека доколку победи на изборите ќе разговара за продолжување на соработката со коалициските партнери, но и ќе разговора со други партии.

Вучиќ додаде дека е „горд“ на работата на актуелната премиерка Ана Брнабиќ и оти наводите што се појавуваат во „одредени медиуми“ дека тој снима видеа против неговите политички противници се „лаги“, јави Бета



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.