Во Софија и попладнево – единаесетти ден по ред – се одржуваат антивладини протести чија цел е оставка на Владата на Бојко Борисов и оставка на главниот овбинител Иван Гешев.

Од утре е најавено дека протестите ќе се одвиваат на поинаков начин – како национален штрајк уште од утрото, со цел да се блокира Парламентот, каде треба да почнат дебатите за гласањето за недоверба на Владата.

Во исто време, полицијата повика протестот да се одржува мирно и да не се запира работата на институциите.

На вонредна седница Парламентот утре ќе расправа за недоврба на Владата. Демонстрантите повикаа утре да се протестира и пред судовите, да се затворат патишта и крстосници, аеродроми…

Тоа ќе биде петти по ред обид на опозицијата да го собори Кабинетот на Борисов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.