Здравството е еден од најголемите корисници на националниот буџет, а инспекциските служби се ранливи на корупција. Нема ефективни критериуми за означување цени на здравствени услуги или лекови. Процедурите за лекување во странство не се ниту транспарентни, ниту објективни. Трошоците за здравство од сопствен џеб се високи, што е бариера за еднаков пристап до здравството, се само дел од состојбите во државава, констатирани во Извештајот на Европската комисија (ЕК) за нејзиниот напредок во 2024 година.

Иако примарното здравство во Македонија е обезбедено бесплатно, ЕК наведува дека неговото финансирање е значително под просекот на Европската Унија. Опсегот на здравствените услуги и нивната достапност, особено специјалистичките медицински услуги и нивната географска дистрибуција, според извештајот, се несоодветни.

Од ЕК потсетуваат дека медицинските работници продолжуваат да го напуштаат јавното здравство за приватниот сектор или за да работат во странство. Се напоменува и тоа дека и покрај постоењето на апликацијата „е-здравство“, упати сѐ уште се даваат на хартија.

Националната легислатива за контролата на тутунот била во голема мера усогласена со Европската Унија, но, како што се подвлекува, не е системски имплементирана. Пушењето во голема мера сѐ уште е толерирано и несанкционирано во ресторани и други затворени објекти, заклучува ЕК, вклучувајќи ги јавните канцеларии и некои медицински установи.

Стапката на вакцинација е ниска за некои болести. Зголемени се свеста и бројот на реализирани трансплантации на крв, ткива, клетки и органи, иако правната рамка сѐ уште не е целосно усогласена со Европската Унија и ИТ модулот за трансплантација на ткива сѐ уште не е воспоставен. Усогласувањето со Европската Унија за правата на пациентите во прекуграничната здравствена заштита, сѐ уште не е започнато, се додава во извештајот.

Немало напредок кога станува збор ниту за лекови за луѓе, ниту за лекови за ветеринарна употреба. Со Европската Унија не била усогласена ниту националната легислатива кога станува збор за козметиката.

Зголемено е финансирањето за ретките болести, но, според извештајот на ЕК, недоволно, за да ги покрие трошоците за медицински третман на сите регистрирани пациенти.

Обидите за борба кога е во прашање нееднаквоста во здравството, особено за Ромите и луѓето кои живеат во сиромаштија и оние во оддалечени места, биле спроведени најмногу од интернационални организации и невладиниот сектор, наместо од здравствените власти. 

The post Процедурите за лекување во странство не се транспарентни и објективни, трошоците за здравство од сопствен џеб се високи, што е бариера за еднаков пристап до здравството, се вели во извештајот на Европската комисија appeared first on Република.

„Нема никакво вработување на 600 лекари во здравството,“ изјави претседателот на СДСМ, Венко Филипче, во своето гостување на „Клик плус“ на ТВ21, демантирајќи ги владините тврдења за нови вработувања во здравствениот сектор.

Филипче потсети дека на крајот на јуни, Владата донела заклучок со кој се забранува спроведување на веќе започнатите постапки за вработување на млади лекари. „Напротив, има заклучок на Влада донесен некаде на крајот на јуни, со кој се забранува спроведување на веќе започнатите постапки за вработување на млади лекари,“ истакна тој.

Според информациите кои ги сподели Филипче, голем дел од здравствените работници кои требало да бидат вработени, веќе заминале во приватниот сектор.

„Требаше да се вработат околу 1200 здравствени работници, но голем дел од нив веќе се заминати во приватниот сектор,“ рече тој, нагласувајќи ја сериозноста на ситуацијата.

The post Филипче: Нема активни процеси за вработување во здравството, запрени се сите постапки appeared first on Република.

„Решение за проблемите во здравството има и тоа ќе го објавиме наскоро. Првите два месеци ги поминавме во средби со раководствата на здравствените установи и сите чинители во здравствениот сектор и констатиравме ситуација на големи долгови и злоупотреби“, изјави директорот на Фондот за здравствено осигурување, Сашо Клековски во интервју за Сител ТВ.

Според него, има злоупотреби на плати и надоместоци и тоа било констатирано со години наназад но,никој не реагирал досега.

„Директор користел патни трошоци од речиси 500.000 денари без документ, некои си зголемиле плати за 400.000 денари без основа, имаше измислени плати во некои институции. Ова има крај. Како пример, само за еден месец директорување на една болница надвор од Скопје со контрола на исплатите преку прекувремена работа имаме скратено трошоци за 30 илјади евра. Зборуваме за болница со многу помал капацитет од Скопје. Долговите не се секаде поради злоупотреби. Онкологија на пример, нема планирано соодветна терапија бидејќи со буџетот немало план за иновативни лекови и се задолжувале“, објасни директорот.

Клековски е дециден- терапија мора да има за сите.

„Целата програма на иновативни лекови на онкологија мора да ја има и ќе ја има. Една од најкрупните инвестиции ќе биде и на онкологија. После 10 години првпат се прави обнова на позитивната листа на лекови. Го отвораме Фондот за соработка со фармацевтските куќи кои треба да видат интерес во нашата нова политика и да понудат подобри услови“, вели Клековски за Сител.

Во однос на лекувањата во странство, тој потенцираше дека има околу 300 случаи годишно за лекување во странство, вклучувајќи ги приватните болници кај нас, а најчесто дестинацијата за лекување е Турција.

„За ова се одвојуваме околу 5.5 милини евра годишно. Обично граѓаните бараат да одат во странство бидејќи кај нас ја имаат загубено довербата во нашиот здравствен систем. Таа доверба мора да се врати. Многу често дел од тие лекувања се без медицински докази. Најчесто, станува збор за лекувања со матични клетки. Ние не можеме да предложиме лекување ако нема медицински докази дека терапијата помага. Упатувам апел секој да се обрати во Фондот за здравство, да помогнеме да ја добијат процедурата. Во Фондот сите што исполнуваат услови се спроведуваат“, додаде Клековски.

The post Клековски: Лекови мора да има и ќе има за сите– имаме решение за проблемите во здравството appeared first on Република.

СДС и ДУИ и во здравството гледале само бизнис. За криминалните тендери на Венко Филипче јавноста е запознаена, но не само тој на централно ниво, туку така се однесувале лицата од СДС и ДУИ и по поединечни јавни здравствени установи, се вели во партиското соопштение на владејачката ВМРО-ДПМНЕ.

Контролите спроведени од надлежни институции во јавните здравствени установи покажуваат огромен број на неправилности. Од контроли во 24 јавни здравствени установи неправилности се утврдени во 23 и тоа во делот на јавни набавки. Оттука неправилности се констатирани во клиниките за Максилофацијална хирургија во Скопје, за Урологија, за радиологија за Нефрологија, за психијатрија, потоа во здравствените домови во Гостивар, во Ресен, во Струга, во Делчево, во Демир Хисар, во Велес, Пробиштип, како и во Клиничка болница во Тетово, во Институт за јавно здравје Скопје, во Општа болница во Струга, Општа болница во Струмица, Општа болница со проширена дејност во Дебар, Центар за јавно здравје во Скопје, Специјализирана болница за ортопедија и трауматологија Св.Еразмо во Охрид, истакнуваат од владејачката партија.

Власта предводена од СДС наместо за пациентите и здравствениот персонал се грижела за местење тендери. Одговорност ќе има за секое незаконско работење, додаваат од ВМРО-ДПМНЕ.

The post По примерот на Филипче работеле и останатите од СДСМ и ДУИ, неправилности се констатирани во 19 од 24 јавни здравствени установи appeared first on Република.

На покана на министерот, на покана на директорот овде во Дигестивната клиника сведочиме на навистина едно импозантно дело коешто можеби за државното јавно здравство и не е вообичаено, но како што кажа и министерот многу конкурентно и условите се би рекол подобри доколку се споредат со некои од приватните клиники, истакна премиерот Христијан Мицкоски при посетата на Клиниката за дигестивна хирургија.

Во периодот којшто следи ќе има уште многу вакви убави работи за македонското здравство.

Мандатот го започнавме со една посета на клиничката болница во Штип каде што кажавме дека продолжува проектот за завршување на клиничката болница во Штип и болницата во Кичево, едни два споменика условно кажано од едно време во минатото кој што оваа Влада има амбиција да го заврши и доколку тоа ќе биде успешно тогаш очекуваме таква една реплика да се направи на еден голем клинички центар коишто долго се ветува, но никако да се случи.

Така што како Влада остануваме фокусирани на ваков тип на проекти, полека но сигурно почнуваме да го планираме Буџетот за следната година, здравството и услугите коишто ги нуди јавното здравство, државно здравство се наш приоритет и така ќе продолжиме и во иднина да се однесуваме.

Времето на кланови, времето на семејни бизниси во здравството кои што го црпеа пациентот и македонското здравство завршува, набргу денеска ќе има одговорност за сето она што е направено во минатото и не им е тоа доволно ги гледаме како истите тие со баслосовни каматни стапки ги оптоваруваат клиниките и болниците и мислат дека на тој начин ќе профитираат на грбот на пациентите, тоа нема да се случи, јас ви ветувам.

Уште еднашка честитам и на министерот и на директорот, посакувам уште многу вакви проекти во иднина да ни се случуваат бидејќи нашите пациенти тоа го заслужуваат.

The post Мицкоски: Како Влада остануваме фокусирани на подобрување на здравствениот систем и здравствената заштита и услуги на пациентите appeared first on Република.

Од ВМРО-ДПМНЕ реагираат дека вчера попладнето се изготвени решенијата на сите 18 лица со договор на дело на Клиниката за токсикологија, иако формирањето на влада не е завршено, вклучувајќи го договорот за работа на болничарот што барал урина со дрога да се замени за чиста урина.

Ја прашуваме организациската директорка на Клиниката за токсикологија, Бесија Иљази:

 

1. Дали ги има испочитувано законските прописи, односно дали има побарано мислење од Државната комисија за спречување корупција во однос на ангажирање на овој кадар?

 

2. Дали се точни информациите дека на Клиниката за токсикологија нема антидоти за тешки метали, цијаниди, парентерални форми за печурки и токсични алхохоли, Hyperpirexia, реактиватори на холинеатераза и други антидоти за поретки труења?

 

3. Зошто не е постапено од стрна на директорката и покрај тоа што поднесени се неколку барања за набавка на антидоти?

 

4. Зошто не е акредитирана лабораторијата по ИСО стандарди?

 

5. Зошто на оваа Клиника,како и во сите останати не се водеше грижа за кадарот, па заради недостиг на кадар се прекина сменската работа и работата за викенди на штета на пациентите?

 

Ваквото самоволие завршува, граѓаните се одлучни за промени.

 

На дуализмот и незаконието,како и владеењето со уцени и закани ќе ставиме крај, а квалитетот и знаењето во здравството за нас ќе бидат императив, се вели во реакцијата на ВМРО-ДПМНЕ.

The post ВМРО-ДПМНЕ: Целосна дуизација на здравството додека владата е во оставка appeared first on Република.

Приватните специјализанти вечер ќе соопштат дали ќе продолжат со генералниот штрајк што го почнаа изутрина. Нивни претставници попладнево имаа средба во Владата со министерот за здравство Илир Демири, заменик министерката за здравство Маја Манолева и проф. Ана Данева Маркова советник на премиерот за здравствени прашања, на која им било кажано дека утре по владината седница ќе има информација во писмена форма за барањето за зголемување на надоместот.

-Најглавното што беше кажано на средбата е дека утре на владина седница ќе има информација во однос на покачувањето, по што ќе добиеменекаква писмена форма за одговорот на Владата во однос на покачувањата на платите. Нивен главен аргумент е дека ова е предизборен период и во предизборен период не можеле да постапат, во смисла, да дадат покачување. Истиот одговор го добивме и за другите наши барања, дека е предизборен период. Сега ние ќе ги информираме колегите за средбата и ќе побараме мислење на групата. Вечер ќе соопштиме што е одлучено околу штрајкот, изјави д-р Александра Георгиева, претседателка на Здружението на лекари специјализанти.

Таа нагласи дека го негираат тврдењето дека штрајкот има некаков политички контекст.

Морам да потенцирам дека имаше разговор дека сето ова, поради предизборниот период, дава политички контекст. Ние тоа остро го негираме. Приватните специјализанти не се наклонети на која било политичка опција, туку едноставно бараат решавање на нивниот проблем, како што бараат и многу години наназад. Четиристотини колеги на приватна специјализација се од различни етнички групи и така натаму, навистина не сметаме дека сите тие би биле гласачи за една политичка опција, подвлече Георгиева.

Министерот за здравство претходно денеска на прес-конференција побара трпение од приватните специјализанти најави дека по изборите ќе се избори со ребаланс на Буџетот да се обезбеди изедначување на нивните примања со примањата на вработените специјализанти во јавните здравствени установи.

На новинарско прашање за генералниот штрајк на приватните специјализанти, Демири рече дека е промотор за реализација на нивните барања и ја истакна тенденцијата за задржување на лекарите во државава.

Ова е многу битно. Направивме компарација во претходниот заеднички разговор со нив, каква беше нивната позиција, на ваквите специјализанти, пред 2017 година и каква е сега. Има една голема разлика. Оти, до 2017 година, тие не примаа никакви примања. Не велам дека сегашните нивни примања се доволни. Јас сакам да бидат како и на специјализантите вработени во јавни здравствени институции. Но, за тоа треба буџетирање што не може сега да се оствари пред изборите, рече министерот Демири, на прес-конференцијата на која беше објавено дека ќе се воведат деветвалентни ХПВ вакцини.

The post Приватните специјализанти вечер ќе соопштат дали ќе продолжат со генералниот штрајк appeared first on Република.

Мора да се донесе закон за сестринска професија и да се формира Комора, да се работи на кариерниот развој на сестрите во здравството, порачаа денеска од Здружението на медицински сестри, техничари, акушерки и стоматолошки сестри – „За нас“, на настанот организиран по повод формирањето на Друштвото на офталмолошки сестри и првиот симпозиум на тема „Нови перспективи во офталмологијата“.

Тој закон ќе ги проектира сестрите во болниците, ќе ги рефлектира преку законски компетенции, работни задачи и одговорности, ќе го донесе кариерниот развој на сестрите. Тоа значи дека сестрите ќе треба да добијат академски студии, тоа значи дека сестрите ќе треба да се остварат во образованието како едукатори и како предавачи и тоа значи дека една сестра кога ќе се вработи, нема да се пензионира како сестра, туку ќе има можност за напредок во нивоа по специјалности и да се школува како што впрочем е во целиот свет - истакна Гордана Бешлиовска, претседателка на Здружението „За нас“ во изјава за МИА.

Бешлиовска потсети дека постојано се залагаат за подобрување на условите за работа и зголемување на платите, за поголемо достоинство во професијата.

Овој симпозиум за офталмолошките сестри е голем исчекор за едукацијата на медицинските сестри, затоа што никогаш до сега не се случило сестрите од офталмологијата да ги споделуваат стручните знаења, перспективи и достигнувања во сестринството со другите сестри. Симпозиумите се места каде доаѓаат сестри од сите области и имаат можност да слушнат, да се обучат - додаде Бешлиовска.

Информираше дека Здружението од вчера станало официјален член на Европската асоцијација на сестри со специјалистички студии.

Доктор Злате Мехмедовиќ, национален координатор за реформи во примарната здравствена заштита изјави дека интенцијата на создавање вакви друштва е да се унапредуваат сестрите во својата професија.

Ваквите специјалистички друштва што се формираат, се со цел да има континуирана медицинска едукација во сестринската професија, нешто што е налик на докторската професија, со што всушност ќе овозможиме и автономност на сестрите, да можат автономно да постапуваат во одредени процедури, согласно компетенциите и стручноста што ја имаат со таа специјалност - нагласи Мехмедовиќ во изјава за МИА.

The post Бешлиовска: Мора да се донесе закон за сестринска професија, да се работи на кариерниот развој на сестрите appeared first on Република.

На здравството му е случува колапс, три дена се затворени сите хируршки сали на Клиниката за хирургија, не се одржуваат неопходни операции за итни и животозагрожувачки пациенти, објави Комисијата за здравство на ВМРО ДПМНЕ.

Молк од "транспарентната" власт за колапсот на Клинички центар, каде три дена беа надвор од функција сите хируршки сали, а не можеа неопходната услуга да ја добијат дури ни итните и животно-загрозувачки пациенти. Изостанаа одговори како дојде до овој колапс на Клинички што е недозволиво да се случи на терциерно ниво, каде се третираат итни и неодложни состојби и за првпат се случува во историјата на македонското здравство, велат од Комисијата.

Неспособната власт која не водеше грижа за инфраструктурата, освен што до колапс го доведе хируршкиот блок на Клинички центар кој надвор од функција беше три дена, сега согласно информациите ПЕТ дена истечен е сертификатот за порталот на ФЗОМ и не е во функција.

Јавноста многу добро памети кога за прв пат во историјата се случи колапс во ФЗОМ кога целиот систем беше блокиран со денови, заради истата и позната неспособност. И тогаш во така блокиран систем, видовме НУЛА отчетност и транспарентност, а директорите со денови беа сокриени од јавност и не можеше да се дојде до основа информација.

Многу брзо ВМРО -ДПМНЕ ќе стави крај на ваквите штетни политики и на неодговорното и недомаќинско работење. Платформата 1189 нуди многу решенија и одговори на барањата на здравствените работници и пациентите и од корен ќе ги смениме овие состојби кои имаат низа аномалии, велат од Комисијата за здравство на ВМРО ДПМНЕ.

The post Колапс на здравството: Три дена се затворени сите хируршки сали на Хирургија во Клинички центар appeared first on Република.

Кандидатот за претседател на државата од коалицијата „Вреди“, Арбен Таравари, оствари средба со лекари во Тетово, по повод Денот на здравјето - 7 Април. Претседателскиот кандидат посочи дека ќе се залага за децентрализација во здравството, како начин на поквалитетни медицински услуги за граѓаните.

- Имајте предвид дека тоа беше дел и од нашата програма и од пред четири години да имаме децентрализирано здравство односно да развиеме одредени центри, на пример во Тетово, во Струга, Охрид, коишто ќе бидат клинички центри, клинички болница, меѓутоа во права смисла на зборот кои ќе функционираат и ќе дадат одредени здравствени услуги на пациентите и граѓаните да не мора секој од пациентите од сите градови да одат сите во Скопје. Така да почнеме да децентрализираме и зборувавме и за другите предлози кои се интересни, кажани од нашите колеги, не само за медицина, фармацевтски, стоматолошки дел, изјави Таравари.

На новинарските барања за коментар на тоа што билборд од неговата кампања беше опожарен во Скопје, Таравари изрази надеж дека институциите на системот ќе утврдат што точно се случило.

- До сега кампањата е релативно коректна, освен што институциите на системот за жал, се политизирани и од тоа за жал не можеме да побегнеме. Дека има одредени притисоци врз луѓето, тоа е вообичаено, и не го сметаме за нешто, да речам вонредно, и нешто што не го предвидувавме. Се надевам дека институциите на системот ќе покажат и докажат што точно се случило. Знам само едно нешто дека јас не би го направил тоа на ниеден мој противкандидат, така што да се надеваме дека не е ништо намерно и смислено, рече Таравари.

Попладнево заедно со претседателот на Движењето Беса, Билал Касами, Таравари продолжи со средби со граѓани на Попова Шапка.

The post Таравари: Треба да имаме децентрализирано здравство односно да развиеме центри за здравствени услуги appeared first on Република.

Ресорот здравство го направија дувло на непотизам, без критериуми и по истиот принцип се вработува кадар и на клиниките, иако тие се врвни здравствени установи од терциерно ниво. Без долгогодишна кадровска стратегија за континуирано надополнување на потребниот медицински кадар, без системска грижа за едукации и пренос на знаење и со нерешавање на статусот на голема група здравствени работници кои се со договор на дело и посветено работат и се грижат за граѓаните, Владата направи штета на долг рок, а здравството е вратено наназад за неколку децении, велат од ВМРО-ДПМНЕ.

-Не се реши статусот на здравствените работници кои работат со договор на дело со години, но експресно функционерите од власта веднаш ги ухлебија своите семејни лози.

Јавноста остана за покуса за отчет и одговори.

Дали и сопругата на министерот за правда Кренар Лога се вработи на Клиниката за стоматологија и дали нејзиниот брат е сега шеф на кабинет на министерот за здравство, Илир Демири? Примерот за семејни лози кои се вработуваат во најсензитивниот ресор здравство го следат ќерката на екс пратеничката Мира Дизел, синот на директорот на Урологија и ќерката на директорот на Очна клиника. Овие непотистички стебла го урнисуваат и онака кревкото здравство, а Владата на СДС и ДУИ е одговорна за егзодусот на медицинскиот персонал. Долги и макотрпни се процедурите за медицинскиот кадар кој работи повеќе години со договор на дело, но едноставни се процедурите за вработување на семејните лози на одродената власт кои се нетранспарентни. Ќе остане запаметено дека помалку важниот коалиционен партнер СДС, се задоволува со сооднос од 50% за вработувања и 50% на кадар од ДУИ.

Поради ваквите неадекватни политики и заради тоа што никогаш не било полошо, граѓаните ќе ги прегазат на изборите што следат, а здравствениот систем итно ќе биде рестартира.

ВМРО-ДПМНЕ во својата програма нуди решение – мерка за решавање на статусот на вработените во здравството кои немаат решен статус и ќе се залага за квалитет во здравството, со заложба за менаџирање со знаење, струка и интегритет во интерес на сите граѓани и целокупниот здравствен систем, додаваат од партијата.

The post Семејни стебла во здравството: Сопругата на министерот Лога, нејзиниот брат, ќерката на Мира Дизел, синот и ќерката на директорите… appeared first on Република.

Во делот на здравството, лидерот на ВМРО-ДПМНЕ, Христијан Мицкоски вети вработување на здравствен кадар, односно 500 лекари и 500 медицински персонал којшто е потребен во јавните здравствени установи.

-Цениме дека со овој тип на политика она коешто можеби некаде недостасува, во некои градови и општини во Македонија ќе биде целосно покриено. Ова ќе ни биде еден од основните проекти ќе ни биде вработување на нови 500 лекари и 500 медицински персонал, истакна Мицкоски на презентацијата на програмата за парламентарните избори насловена Платформа #1198.

Еден интегриран Клинички центар во Скопје: стоп за дуализмот е второто ветување на Мицкоски со цел да се намалат злоупотребите.

-Досега имавме еден таков директор политички, имавме еден економски, еден за провизија човек, еден за лажење трет за спроведување и отприлика така функционираше најголемиот дел од клиниките коишто се управувани од владата на СДСМ и ДУИ и најчесто ако политичкиот и економскиот не си се договореа околу висината на провизијата, барем такви се информациите и доказите коишто стигнуваат до нас тогаш работата не одеше, но ако постоеше договор работата си врвеше без проблем. Е наша цел е тоа да не постои, рече лидерот на ВМРО-ДПМНЕ.

Тој додаде:

-Се враќаме на концептот еден клинички центар, нема да има повеќе дуализам, нема да има политички директор и економски директор, туку ќе има раководители на клиники коишто ќе ги управуваат тие клиники и еден клинички центар којшто ќе се грижи да биде се како што треба и да се бори против ваквиот тип на злоупотреби како што беше оној случај во Универзитетската клиника за радиологија и онкологија, потенцираше Мицкоски.

Мицкоски вети дека приоритет на идната влада на ВМРО-ДПМНЕ ќе биде завршување на Клиничка болница во Штип. Опремувањето ќе биде со најнова софистицирана медицинска опрема. Кадровско доекипирање на болницата со соодветен кадар од сите профили, медицински, помошен и немедицински кадар, .

Едно од ветувањата во програмата Платформа #1198 е ограничување на маржите за лекови, потрошен материјал, медицинска опрема и суплементи, додаде Мицкоски.

The post Мицкоски најави ограничување на маржите за лекови и медицински помагала appeared first on Република.

Потпретседателот на ВМРО-ДПМНЕ, Александар Николоски одговарајќи на новинарско прашање од Прилеп во однос на состојбата во здравството и случувањата во Битолската и Прилепската болница истакна дека состојбата во здравството е катастрофална, постои криминал и незаинтересираност поради што пропаѓаат болниците но ВМРО-ДПМНЕ планира сериозна реформа во здравството, прво крај на криминалот и корупцијата и втор чекор регионализација и стимулирање на здравствените работници.

„Во однос на состојбата со здравството таа е катастрофална, гледам дека еден поранешен министер за здравство почна јако да се рекламира последните денови веројатно мисли дека граѓаните заборавија што се случуваше во неговиот мандат, кога Македонија за жал уриваше црни рекорди по смртност во делот на пандемијата со корона и кога освен гол пи ар не се правеше ништо друго гледам дека со исти гол пи-ар се продолжува и сега, наместо да се лечат пациенти и да се спасуваат животи со камери им се влегува на операција што е дно, нема збор да се употреби и една работа која што е прашање на етика и морал. Така што во такви услови состојбата во здравството е катастрофална поделена е на личен пи ар на огромен криминал и на незаинтересираност и затоа пропаѓаат и Битолската и Прилепската болница. Не е тука прашањето дали некој е виновен во Битолската или во Прилепската болница, во двете болници нема соодветни услови за да можат соодветно луѓето да се лечат во Пелагонискиот регион иако тука планираме една сериозна реформа која што почнува со првиот и едноставен чекор а тоа е да запре криминалот и корупцијата во здравството, второ е веќе да се оди кон регионализација и јасно утврдување на тоа што е потребно за секој регион за да има квалитетна здравствена заштита и секако стимулирање на здравствените работници затоа што сметаме дека е основно да се подобрат условите на здравствените работници како би можело да даваат подобри услуги на граѓаните“, нагласи Николоски.

The post Николоски: Планираме сериозна реформа во здравството appeared first on Република.

Долгото чекање за да се дојде до закажаниот термин за специјалистички прегледи во јавното здравство, честопати поради итноста на болеста, ги принудува пациентите да побараат помош преку пријатели за побрзо да го направат потребното снимање, а дел од нив „спасот“ го бараат во приватното здравство каде услугите се поскапи.

На секој вработен, од платата секој месец му се одземаат по 7,5 проценти за здравствено осигурување, но сепак во одредени ситуации секој е принуден да побара здравствена заштита во приватното здравство поради неможност да најде термин во јавното здравство.

Има пациенти, кои и за основни специјалистички прегледи одат во приватните клиники затоа што за првиот слободен термин во јавното здравство треба да чекаат од една до неколку недели, а со месеци се чека за компјутерска томографија или за ПЕТ скен (Позитрон емисиона томографија).

Пациентка која имала проблем со покачен крвен притисок требала да биде упатена на специјалистички преглед, но првиот слободен термин бил дури по три недели. Загрижена за својата здравствена состојба, а поради неможноста да оствари здравствена услуга во јавното здравство, одлучила да закаже преглед кај лекар од приватното здравство.

Имав покачен крвен притисок и покрај терапијата што пред една година ми ја препиша специјалист интернист. Притисокот не се симнуваше три-четири дена. Се јавив кај матичната да ми даде упат кај истиот лекар кој нели ме води, но ми кажа дека термин може да ми закаже за три недели. На прашањето „што да правам три недели“, ми рече дека ќе ми напише упат, па ако сака специјалистот да ме прими, но без гаранција дека тоа ќе се случи. Поради загриженост за состојбата и постојаниот висок притисок, иако веќе примав терапија, одлучив да заминам на приватен преглед следниот ден, вели за МИА пациентка од Скопје.

И пациенти со хронични болести кои треба да прават редовни контроли, долго чекаат за термин за контрола затоа што понекогаш специјалистот не им закажува термин за следната контрола, туку ги враќа тоа да го сторат преку матичните лекари. Пациент од Скопје кој има заболување на срце сведочи дека понекогаш чека со месеци за следниот преглед, а доколку не може да најде термин, бара приоритетен упат за да ја направи редовната контрола.

Во слична ситуација се и онколошките пациенти кои укажуваат дека поради немањето термин се губи драгоцено време, па понекогаш се принудени потребните испитувања да ги направат во приватните здравствени установи каде услугите се поскапи.

Ќе тргнам од себеси. Како онколошки пациент пет години, еко и мамографија правам исклучиво приватно. Прво затоа што и верувам на докторката, а второ кај оние докторки кај кои ми беше препорачано, немаше термин. Тоа е постојан проблем. Каде се јавува уште поголем проблем. Мамографијата и ехо на дојка е нешто што е поевтино и сите ние можеме да си дозволиме на шест месеци или еднаш годишно да одиме приватно, но скен на коски, ПЕТ скен, компјутерски преглед, во приватните клиники цените се навистина високи. Познавам пациентки кои земаат кредит или позајмуваат пари доколку докторот сугерирал или се сомневал во нешто и рекол ова мора да се направи побрзо. И секој на кого животот му е доведен во прашање ќе најде начин да се снајде за да направи преглед на приватно ако тоа значи навремено добивање на дијагноза и терапија, вели за МИА Ана Марјановиќ.

Според Марјановиќ, проблемот со пациентите кај кои веќе е дијагностицирана болеста,би се надминал со тоа што во моментот кога се прави контролата, веднаш да се закажува термин за следната контрола.

И претседателката на Здружението на приватни матични лекари, Лилија Чолакова-Дервишова, се согласува со тоа дека специјалистите сами треба да ги закажуваат контролните прегледи кај пациентите со хронични болести.

Мора да се направат неколку моменти. Прво специјалистот да си го закаже сам контролниот преглед. Има опција ако е некој итен случај, специјалистите сами да креираат термин. За ехо на дојка и мамографија направен е посебен начин на упатување, но имаме случај кај пациентка со наод пратена по сите протоколи како што вели Министерството за здравство, најдено е чворче на дојка, а специјалистот од Скопје ја враќа назад кај матичната докторка за упат за биопсија. Зошто да се враќа пациентката. Новиот начин го правивме за да нема враќање по градови, вели Чолакова-Дервишова.

Според Чолакова-Дервишова, итноста на дијагнозата некогаш ги принудува пациентите да побараат помош во приватното здравство кое, како што вели, е брзо, ефикасно, но и поскапо.

Точно е тоа дека се губи многу време за одредени   дијагнози. Ако отидете во една од реномираните приватни   болници, ќе добиете дијагноза, ќе добиете грижа и пристапот во приватното здравство е многу почовечен, похуман. Навистина е поскапо, но многу брзо се доаѓа до   дијагноза, додека во јавното здравство платата е загарантирана и моментот на грижа кон пациентот е  опаднат, оценува Чолакова-Дервишова.

Таа се согласува со тоа дека платите на здравствените   работници во јавното здравство треба да се поголеми, но смета дека малку поголема треба да е и грижата кон пациентите. Причините за проблемите во јавното здравство, според Чолакова-Дервишова, се лошото менаџирање со јавните здравствени установи низ годините.

Секој министер треба да се запраша како може една приватна болница да е рентабилна и да има врвни апарати и како може во јавното здравство парите од Фондот да одат за покривање на дупките во јавното здравство, вели Чолакова-Дервишова.

Од Министерството за здравство велат дека прават напори за да има доволно термини за пациентите. Според заменик-министерката за здравство Маја Манолева, за магнетна резонaнца на Институтот за радиологија, како институција од терцијалното здравство, се воведени т.н. урнеци за термини за одредени пациенти кои се упатуваат од друга институција.

На пример, пациенти од Онкологија имаат свои термини во вкупниот број на термини на Институтот за радиологија или пациенти од дигестивна хирургија или неврохирургија. Практично, сите термини што се на Институтот за радиологија се за институции од другите клиники односно за институции од секундарното ниво на здравствена заштита со цел лекарите специјалисти да можат полесно да ги испратат пациентите на кои сметаат дека им е потребна соодветна дијагностичка процедура, вели Манолева.

Според неа, евентуалното рефундирање на средствата во ситуација кога поради немање термин пациентите се принудени да одат по приватните клиники, е комплексна тема која опфаќа повеќе сегменти од функционирањето на здравствениот систем и потребен е мултисекторски пристап.

Потребен е широк мултисекторски пристап во разгледувањето на овој начин на рефундирање на средствата од сите аспекти со цел изнаоѓање на најоптимално решение кое би било издржливо пред се за Фондот за здравствено осигурување, за Министерството за здравство, Министерството за финансии, вели Манолева.

Во Законот за здравствено осигурување, Член 8, стои дека на осигурените лица им се обезбедува право на основни здравствени услуги во примарното, секундарното и терцијалното ниво под услови утврдени со овој закон.

Испитување и утврдување на заболувањата, повредите и здравствената состојба и спроведување на специјализирани дијагностички, терапевски и рехабилитациони постапки, се дел од работите што се наведени во делот на секундарно-консултативната здравствена заштита во Член 8 од Законот за здравствено осигурување, вели Манолева.

The post Долгото чекање термин во јавното – ги „брка“ пациентите кон приватното здравство appeared first on Република.

Дали ова е европското здравство што го ветуваше СДСМ?, прашуваат од ОК ВМРО-ДПМНЕ Гостивар.

Дали ова е европското здраство, со подобри услови за лекување на граѓаните?

Вака денес изгледаат просториите на службата за вакцинации на деца од 0 до 5 години при ЈЗУ "Здравствен дом Гостивар".

Во 21 век просториите каде што се прегледуваат и вакцинираат деца на возраст од 0 до 5 години се во субстандардни услови.

Во Македонија никогаш не било полошо, затоа важно е да ги поразиме!

The post Дали ова е европското здравство што го ветуваше СДСМ? appeared first on Република.

Министерот за здравство Илир Демири и заменик министерката за здравство д-р Маја Манолева денеска присуствуваа на потпишувањето нови грант-проекти во рамки на Јапонската програма за мали грантови за основни потреби и човечка безбедност, во организација на Амбасадата на Јапонија. Директори на три јавно здравствени установи потпишаа договори со јапонската амбасада.

Со овие грантови се опфатени три јавни здравствени установи, како што се: Специјализираната болница за геријатриска и палијативна медицина „13 Ноември“ - Скопје, која се зајакнува со нов апарат за ултразвук; Универзитетската клиника за дигестивна хирургија, каде е предвидено реновирање на подовите и вратите; додека за Здравствениот дом Неготино е предвидена набавка на нов дигитален рендген апарат, изјави министерот за здравство Демири на потпишувањето.

Амбасадата на Јапонија е наш партнер во заложбите за унапредување на квалитетот на здравствените услуги и зајакнување на капацитетите на јавното здравство. Показател за одличната соработка која ја негуваме со Јапонија и јапонската амбасада се бројните реализирани проекти во областа на здравството и вредните инвестиции кои досега се реализирани во над 70 јавни здравствени установи низ целата држава, кажа Демири.

Тој се заблагодари до амбасадорот Оцука Казуја и јапонската амбасада за овој значаен придонес честитајќи 30 години дипломатски односи помеѓу Македонија и Јапонија.

The post Јапонија преку грантови донираше пари за да се купи нов апарат за ултразвук, дигитален ренген апарат и да се реновираат подовите и вратите на Клиниката за дигестивна хирургија appeared first on Република.

Собранието денеска треба да ја продолжи 143. седница на чиј дневен ред, меѓу другото е и изборот на нови министри за здравство и за информатичко општество и администрација.

За нов министер за здравство е предложен актуелниот директор на Клиничката болница во Тетово, Илир Демири, а за министер за информатичко општество и администрација Наим Бајрами.

Собранието минатата недела со 62 гласа „за“ и ниту еден глас „против“ ги разреши министрите од Алијанса за Албанците Фатмир Меџити и Азир Алиу. На гласањето не присуствуваа пратениците од опозициската ВМРО-ДПМНЕ.

Меџити и Алиу беа разрешени по предлог на техничкиот премиер Талат Џафери кој од собраниската говорница, образложувајќи го предлогот за разрешување рече дека според законот, не може да има два опозициски субјекта во состав на Владата и дека тоа е основната причина зошто е предложено разрешувањето на двајцата министри.

Разрешувањето на двајцата министри уследи по расколот во Алијанса за Албанците откако актуелниот претседател на партијата Арбен Таравари побара поддршка од членството за коалиција со албанскиот опозициски блок на претстојните избори, со што не се согласува претседателот на Централното собрание Зијадин Села.

На дневен ред на 143. седница на Собранието, се повеќе предлог закони по скратена постапка, меѓу кои Предлог на закон за конфискација на имот во граѓанска постапка, Предлог на закон за изменување и дополнување на Законот за урбанистичко планирање, Предлог на закон за дополнување на законот за заштита на децата, како и Предлог на закон за изменување и дополнување на Законот за социjалната заштита.

Во прво читање пред пратениците, е и Предлог на закон за изменување и дополнување на Законот за рестриктивни мерки.

The post Собранието ќе избира нови министри за здравство и за информатичко општество и администрација appeared first on Република.

Можеби и како во сите области, така и во здравството не ни треба рестарт, туку ни треба една трансформација. Целосна трансформација затоа што времето како да не го следиме, и сега сето тоа кога ќе му при додадеме лошо менаџирање посебно последните 6 години од владата на СДСМ и ДУИ, тогаш рестартирањето не би било соодветна мерка која што идната влада на ВМРО-ДПМНЕ би требало да го направи. Нас ни треба целосна трансформација, дециден е претседателот Христијан Мицкоски во неговото обраќање на денешната дебата Здравствена платформа за иднина на тема Концепт за здравство.

Мицкоски се наврти од самиот почеток на владата на СДСМ и ДУИ и рече дека ветуваа живот, а донесоа смрт.

Тие ветуваа живот. Но, за жал донесоа се само не живот. Ќе ве вратам во периодот на почетоците нив кога беа избрани за влада, од оние политички гимнастики не ваков Клинички центар, туку таков, па поништува договори, па го префрлаа на една локација, па на друга локација итн. И се до денеска ќе видите дека имаат еден континуитет, а тоа е да не ја говорат вистината. Тие не ја говорат вистината, односно манипулираат и лажат. Од тој почеток , па потоа периодот кога се случи онаа пандемија со ковидот сите недостатоци и сето незнаење и неорганизираност на владата испливаа на површина. За жал, тоа македонските граѓани го плаќаа најмногу во Европа и најмногу во свет со живот. Не беа подготвени за ништо и тоа беше една системска слабост која што беше јасно воочлива. Нивната неспособност и не знаење изминатите 6 години наместо живот, донесоа смрт за жал за најголем дел за нашите сограѓани, а здравството за жал ни се наоѓа во една коматозна состојба, на апарати - рече тој.

Мицкоски истакна дека според сите истражувања здравството е втора тема само во Македонија која ги мачи граѓаните и нагласи дека ВМРО-ДПМНЕ ќе се погрижи сите граѓани да добијат соодветна здравствена нега и услуга која што ја заслужуваат онака како што треба.

Само во Македонија здравството е втора тема која што ги мачи граѓаните како проблем и тоа да ни биде нас своевиден мотив како политичка гарнитура како тоа воопшто да не биде тема, односно сите граѓани да добијат соодветна здравствена нега и услуга која што ја заслужуваат онака како што треба - објасни тој.

Мојата суштинска порака е дека ВМРО-ДПМНЕ треба да покаже поинаков пристап со здравството, вели Мицкоски и најави дека оние кои што на маката и здравјето на пациентите ќе се богатат ќе бидат санкционирани и ќе бидат изведени пред лицето на правдата со докази.

Оние малкумина кои што го злоупотребуваат здравствениот денар, оние малкумина кои што мислат дека на здравјето на пациентите ќе злоупотребуваат и лично ќе се богатат, јас ви ветувам дека ќе бидат санкционирани и ќе бидат изведени пред лицето на правдата со докази. Се разбира нема тоа да биде политичка хајка бидејќи ВМРО-ДПМНЕ нема намера да организира спектакуларни холивудски апсења како што тоа беше одлика на некои минати времиња. напротив со јасни аргументи и докази имаме веќе индиции и ќе кажеме кои се тие малкумина, за да не го валкаат името на многумината чесни кои се грижат за нашите пациенти. И ќе покажеме дека не се сите исти бидејќи тоа е нашата максима, дека не се сите исти. И тоа мора да го направиме веднаш, офанзивно уште во првите неколку месеци од идната влада на ВМРО-ДПМНЕ.

The post Мицкоски: Сите оние кои се богатеа на маката и здравјето на пациентите ќе бидат изведени пред лицето на правдата appeared first on Република.

Работа за која сакам да зборувам е дуализмот кој што е присутен во Клиничкиот центар во Скопје. Таму има врзани потписи и економски директори и тоа е една конфузија која што буквално на никој не му е јасно. Затоа ВМРО-ДПМНЕ има јасна намера да го врати стариот начин на функционирање на Клиничкиот центар, односно еден Клинички центар, да нема ваков тип на дуализам. И тоа е коалициски договор, услов. Кој сака да пристапи на коалицијата со ВМРО-ДПМНЕ мора ова да го прифати, вели Мицкоски и вети дека ќе Клиничкиот центар во Скопје и Штип ќе ги изгради идната влада на ВМРО-ДПМНЕ, кажа претседателот Христијан Мицкоски на денешната дебата Здравствена платформа за иднина на тема Концепт за здравство.

Кога ја создаваме програмата која е при крај која за брзо од денеска ќе има и промоција. Тоа е прашањето за нов Клинички центар. Се сеќавате во минатото тогашниот министер за здравство Венко Филипче ја обвинуваше опозицијата за опструкции и кочење, но како поминуваше време цената на чинење за нов Клинички центар од оној почетен проект кој што имаше договор, изведувач и обезбедени средства во рамките на Клиничкиот центар Мајка Тереза, па се до овој последниот разликата беше од 110, 115 милиони евра па се до половина милијарда трошоци кои што дополнително ќе растеа, бидејќи не беше инфраструктурата предвидена во тој проект. Па сега вака кога ќе правите програма, ако сте како некои естрадни политичари кои за жал овде кај нас во Македонија ги има, кажуваат тоа што луѓето сакаат да слушнат. Има еден таков политичар кој се што сака да слушнете, тој ќе каже. Понекогаш ќе навреди, ќе користи некој речник кој не е доличен за академски сограѓани, но тоа е реалноста на политичката сцена, изјави Мицкоски и додаде:

Да сакам да знаете дека ВМРО-ДПМНЕ ќе сработи нов Клинички центар, но не можеме колку тоа ќе чини бидејќи зависи од фискалниот услов и да ВМРО-ДПМНЕ ќе ја заврши Клиничката болница овде во Штип. Тоа сигурно јас ви го кажувам. Ние се трудиме да водиме државна политика.

The post Мицкоски: Приоритет на Владата на ВМРО-ДПМНЕ ќе биде изградба на нов Клинички центар во Штип и Скопје appeared first on Република.

Денеска со почеток во 15 часот во хотел Астибо Плаза во општина Штип, ќе се одржи дебата „Здравствена платформа за иднина“ на тема „Концепт во здравство“ на која ќе учествуваат:

-Христијан Мицкоски, претседател на ВМРО-ДПМНЕ,
-д-р Игор Николов,
-д-р Ристо Симеонов,
-д-р Ирена Алексиоска Папестиев,
-д-р Синиша Стојаноски,
-д-р Олга Лозановска,
-д-р Игорче Џиковски.

Дебата ќе ја модерира Марија Митева, портпарол и член на ИК на ВМРО-ДПМНЕ и Наум Стоилковски, портпарол на ВМРО-ДПМНЕ, а истата ќе се пренесува на facebook на Христијан Мицкоски.

The post Христијан Мицкоски во Штип на дебата за здравството во Македонија appeared first on Република.