Клиентeлизмот на СДС и ДУИ излезе на виделина. Целата мизерија на СДС, ДУИ и поранешното раководство на ЕСМ пред очите на јавноста. Во време на тешка енергетска криза СДС и ДУИ прекршувале закони, заобиколувале постапки и допуштале низа пропусти се со цел сопствен профит, велат од ВМРО-ДПМНЕ.

Уште еден скандал констатиран на ДЗР во ревизија на работењето на АД ЕСМ за период од 2019 до 2022 година каде се утврдени низа нерегуларности. Раководството на претпријатието од СДС не ги спроведувало јавните набавки согласно закон. ДЗР констатира дека при набавката на мазут за потребите на ТЕЦ Неготино, АД ЕСМ раководството толерирало низа пропусти на доставувачот, кој ги немал секогаш задолжителните залихи, доцнел со испораката и не ја почитувал динамиката. Дополнително АД ЕСМ и покрај тоа што не добивала мазут како што било предвидено во договорот, во два наврати склучува анекси со истиот добавувач, со што ја зголемува вредноста на дoговорот. На штета на јавниот интерес на Македонија, на стопанството и граѓаните раководството на АД ЕСМ толерирало испорака на мазут со примеси на голем број нечистотии, со што се предизвикале дефекти во мазутната станица. Дали СДС и ДУИ играле игри со цената на мазутот во време на енергетска криза за остварување на сопствен профит? Поради кои причини раководството на АД ЕСМ толерирало неквалитетен мазут и лоша испорака? Кои се причините и зошто два пати анексирале договор? Колку јавни повици СДС и ДУИ злоупотребиле на штета на интересот на Македонија и граѓаните? За чиј интерес работело поранешното раководство на ЕСМ а на штета на државниот интерес во време на енергетска криза?, прашуваат од партијата.

The post Во време на енергетска криза во ТЕЦ Неготино бил доставува штетен мазут appeared first on Република.

Управниот одбор на АД ЕСМ денеска именуваше нови директори во дел од термоенергетските производствени капацитети во рамките на компанијата.

За директор на подружница РЕК Битола е назначен Тони Петрушевски, дипломиран машински инженер, со претходно работно искуство во приватниот сектор. Досегашниот в.д. директор Иле Костадиновски е назначен за помошник директор за правни, кадровски и општи работи во РЕК Битола. Од АД ЕСМ велат дека му се заблагодаруваат за неговиот ангажман и посветеност во изминатиот период.

За директор на РЕК Осломеј, е назначен Сашо Вренцоски, дипломиран економист и истакнат стручен кадар со долгогодишно работно искуство во комбинатот. На директорска позиција во Осломеј е именуван и Агим Садику, дипломиран економист со работно искуство во Управата за јавни приходи.

За в.д. директор на подружницата ТЕЦ Неготино, е назначен Александар Галапчев, дипломиран инженер со работно искуство во термоелектраната. Бобан Максимовски, со завршени академски студии од областа на менаџмент ќе биде управител на друштвото за производство на топлинска енергија ЕСМ производство на топлина.

The post ЕСМ именува нови директори во РЕК Битола, Осломеј и во ТЕЦ Неготино appeared first on Република.

Во ТЕЦ Неготино сите видовме како заеднички СДСМ и ДУИ крадат, видовме како заеднички се делат огромни тендери од стотици милиони евра за крими набавка на мазут од кој милиони завршија во приватни џебови. Сакам оттука да го прашам директорот на ТЕЦ Неготино и овој на ЕЛЕМ кој е по потекло од овдека од Неготино, дали е вистина или не дека се дел од крими шемата и дека истата е договарана покрај во Неготино и во Скопје и во една соседна држава? И да им порачам дека одговорност многу брзо ќе има, уште можеби ова лето ќе ги видите првите резултати за одговорност“, истакна потпретседателот на ВМРО-ДПМНЕ Александар Николоски на митинг на ВМРО-ДПМНЕ во Неготино.

Николоски додаде дека во овие седум години власт на СДСМ и ДУИ се покажа како може да се уништи една држава.

Од оваа крими шема во ТЕЦ Неготино не може да се амнестира ни Стево Пендаровски, затоа што без разлика што глуми наивен и без разлика што сака да се прикаже како чесен, како некој кој не знае што се случува, не знае што прават СДСМ и ДУИ до денес не го слушнавме да осуди ни една крими афера која ВМРО-ДПМНЕ ја извади во јавност. А до денес сме свесни дека го потпиша на брза трака кривичниот законик со кој се амнестираше криминал и најбитното до денес Стево Пендаровски ги троши украдените пари за својата кампања и црна, бела и онаа која не ја гледате и онаа што ја гледате затоа што кампањата му е финансирана со крими пари“, дециден е Николоски.

Николоски посочи дека затоа Стево Пендаровски треба да биде поразен и на 24 април и на 8 мај да си замине од политичката сцена и заедно со овие криминалци да одговара.

Потребна ни е масовна голема референдумска излезност. Да излезете сите кои сте тука, да ги поканите сите кои ги познавате да излезат на гласање и сите кои можат од надвор да си дојдат да дојдат да го прославиме Велигден заедно, да победиме на 24 април и 8 мај со голема масовна референдумска излезност“, заклучи Николоски.

https://www.youtube.com/watch?v=ExEMWwMyWO0&feature=youtu.be

The post Николоски од Неготино: Следува одговорност за огромните тендери од стотици милиони евра за крими набавка на мазут во ТЕЦ Неготино appeared first on Република.

ТЕЦ Неготино стана дел од државната компанија ЕСМ. Информацијата за спојувањето на двете државни друштва е објавен вчера на Македонска беза.

Според она што го пишува во известувањето од ЕСМ, АД ТЕЦ Неготино е избришана од централниот регистат на 29 февруари годинава, а имотот преминува во сопственост на ЕСМ.Во информацијата се додава дека и основната главнина на ЕСМ е зголемена со издавање на 32.311.373 обични акции. Една обична акција има вредност од 1.000 денари.

The post ТЕЦ Неготино сe спои со ЕСМ appeared first on Република.

ТЕЦ „Неготино” не работи од ноќеска на полноќ затоа што влегуваме во ремонт од 70 денови, изјави за МИА, генералниот директор Небојша Стојановиќ.

Вкупниот конзум на потрошувачка на електрична енергија во целост ќе се надоместува од енергетските капацитети РЕК „Битола”, РЕК „Осломеј” и обновливите извори на енергија, коишто се расположливи од АД ЕСМ – појасни Стојановиќ.

Стојановиќ нагласи дека ќе нема никаков проблем со електрична енергија.

Без застој, работевме во полн капацитет од почеток на декември месец, досега. Четири месеци без ниеден испад, без ниеден застој. Со тоа, срушивме рекорд од кога е направена електраната. Многу битно е исто така, од 2021 година, кога почна енергетската криза, досега, ТЕЦ „Неготино” во период од година и половина и повеќе, нема влезено во редовни ремонтни активности, рече Стојановиќ.

The post Од ноќеска на полноќ не работи ТЕЦ „Неготино“ appeared first on Република.

Од ноќеска на полноќ ТЕЦ Неготино не произведува струја и е исклучен од мрежата. Директорот на ТЕЦ Неготино тврди дека исклучувањето е по налог на ЕСМ и дека е порано од планираното исклучување на 30-ти април.

Од ТЕЦ Неготино велат дека работат исклучиво по налог на ЕСМ, кои одлучуваат кога ТЕЦ Неготино да биде на мрежа, а кога да се исклучи. Наредните денови е предвидено затоплување на времето со што се очекува намалена потрошувачка на струја на регулираниот пазар за кој произведува ТЕЦ Неготино.

The post Од ноќеска на полноќ ТЕЦ Неготино не произведува струја и е исклучен од мрежата appeared first on Република.

Енергетскиот објект во срцето на Македонијa, ТЕЦ Неготино денеска бележи 45 години од своето постоење.

Иако со години  преставуваше само ладна резерва и во крајна нужда се вклучуваше на македонскиот енергетски систем, од минатата година тоа не е случај. Од декември 2021 – та година до денес ТЕЦ Неготино работи за потребите на пазарот на струја, со еден или два котли.

Во последните три месеци електраната, која работи на мазут,  произведува со полн капацитет, односно, работат и двата котли, со цел  да се обезбеди дополнително производство на електрична енергија во услови на енергетска криза.

Во ваква состојба на глобална енергетска криза,  ТЕЦ Неготино  го оправда своето постоење и даде придонес за државните енергетски компании и целокупното стопанство, во моментов производствената цена е рентабилна и тоа значи заштеда на огромни средства за државата, велат дел од вработените кои деноноќно и макотрпно работеа во објектот да се стави во функција.

Од таму велат дека ТЕЦ Неготино е школски пример во регионот и во државата како постојки стари  и по 45  години се одржуваат и по потреба се ставаат во функција , а тоа, според нив резултат на одговорноста и пожртвуваноста на работниците, стручниот кадар и менаџерскиот тим.

Согласно планот за производство, ТЕЦ Неготино треба непрекинато да работи со два котли до крајот на април.

ТЕЦ „Неготино“ има вкупен расположив капацитет за производство од 180 мегавати, што е приближно еден блок на РЕК Битола.

Термоелектраната „Неготино“ почнала  да се гради 1974, а изградена е во 1978 година, а последен пат претходно работела во производството на електрична енергија во 2009 година. Од 1978  до 2022 година  се произведени 4700  гигават часови, а само во 2022 -та се произведени 420 гигават часови

Во ТЕЦ Неготино  работат  околу 200 вработени.

The post 45 години ТЕЦ Неготино: Од резервен играч до важен снабдувач со енергија appeared first on Република.

ТЕЦ Неготино годинава ќе купува мазут во вредност од 210 милиони евра, според финансискиот план за 2023 што го објави термоелектраната.

Во планот пишува дека за купување на мазут се предвидени 12.804.773.500 денари. Тоа е двојно повеќе од проекциите за 2022, кои засега се сведуваат на проектирани 5.688.482.926 денари, или поточно 93 милиони евра, објави Фактор.

Вчера, рударско-енергетскиот комбинат РЕК „Осломеј“ беше исклучен од мрежа.

Од „Електрани на Македонија“ (ЕСМ) информираа дека исклучувањето е плански испланирано, со цел да се спроведат планираните активности за санација на неколку позиции во комбинатот.

Во меѓувреме, додаваат оттаму, сите други капацитети на ЕСМ продолжуваат со работа.

The post ТЕЦ Неготино ќе купува мазут за 210 милиони евра appeared first on Република.

Вклучен е и вториот котел во ТЕЦ Неготино и термоелектраната во моментот работи со полн капацитет. Вториот котел е синхронизиран на мрежа пред 42 часа, по сите протоколи на вклучување, односно по првично стабилизирање на системот со работа со еден котел, соопшти АД ЕСМ.

Согласно планот за производство, ТЕЦ Неготино треба непрекинато да работи со два котли до крајот на април.

Покрај ТЕЦ Неготино, АД ЕСМ произведува преку два блока во РЕК Битола, РЕК Осломеј, гасната електрана Енергетика, хидроелектраните и ветерниот парк.

Се прават подготовки за стартување и на Блок 3 по пристигнувањето на носечката единица од трансформаторот.

АД ЕСМ целосно од сопствено производство ги задоволува потребите за електрична енергија на домаќинствата и малите потрошувачи, како и значаен дел од количините за дополнителни снабдувања по одлуки на Владата.

Помал дел од количините за дополнителни снабдувања преку ЕСМ Продажба се набавуваат, а се однесуваат на последните мерки за снабдувања на училишта, јавни претпријатија и дел од стопанството

The post Вклучен вториот котел во ТЕЦ Неготино, електраната произведува со полн капацитет appeared first on Република.

ТЕЦ Неготино е синхронизиран на мрежа во 12:20 часот и ја засилува својата снага на производство до постигнување 90 мегавати по котел, информираат од АД Електрани на  Македонија.

Во моментов произведува електрична енергија со еден котел, додека согласно протоколот за работа на термоелектраната, активирање на вториот котел за постигнување на максимален капацитет е планирано за следната недела, по стабилизирање на системот. Вкупниот капацитет за производство не ТЕЦ Неготино изнесува 180 мегавати, односно инсталиран капацитет колку што има еден блок на РЕК Битола, соопшти ЕСМ.

Оттаму посочуваат дека ремонтните и сервисните активности во ТЦ Неготино завршија пред 24 часа, по што се пристапи кон вклучување на електраната.

По изградбата на ТЕЦ Неготино во 1978 година, ова беше прво отворање и големо ремонтирање на генераторот, прецизираат од ЕСМ.

The post ЕСМ: ТЕЦ Неготино е вклучен на мрежа и испорачува електрична енергија appeared first on Република.

ТЕЦ Неготино не произведува затоа што е расипан генераторот, а не затоа што е предвиден ремонт, вели лидерот на ВМРО ДПМНЕ Христијан Мицкоски.

Таа неспособност се манифестира секој ден, до скоро не работеше и блокот 2, блокот 3 во Битола, не работи затоа што трансформаторот не е ни во Македонија што требаше да дојде на 1ви Ноември. Има многу проблеми коишто се случуваат и затоа денеска плаќаме многу поскапа струја и стопанството плаќа многу поскапа струја од таа што треба да ја плаќа. Ќе ве потсетам Бучим не работи и не работи Фени. А не работат и уште многу други стопански производни капацитети поради тоа што не добиваат субвенционирана струја, додава Мицкоски.

The post Мицкоски: ТЕЦ Неготино не произведува затоа што е расипан генераторот, а не затоа што е предвиден ремонт appeared first on Република.

АД Електрани на Македонија соопшти дека ТЕЦ Неготино од изутринава ќе почне со пуштачки активности за ставање на електраната во функција на производство.

– Вечерва завршуваат сервисните и ремонтните активности на генераторот и на другата опрема во ТЕЦ Неготино, и утре во 7.30ч почнуваат пуштачките активности за ставање на електраната во функција на производство, информираа синоќа од Електрани на Македонија.

Како што посочија од компанијата, во договорот со економскиот оператор кој ги изведувал работите бил наведен 15 декември како датум за завршување на зафатите.

– Но, со засилен интензитет на работа на економскиот оператор, и зголемен ангажман на вработение кој во изминатите денови се вршеше под засилен надзор од генералниот директор на АД ЕСМ, Васко Ковачевски и на директорот на ТЕЦ Неготино, Небојша Стојановиќ, рокот е скратен за 10 дена. Во услови на енергетска криза тоа ќе значи економски и енергетски бенефит, наведоа од Електрани на РСМ.

Во сервисните и ремонтните активности беа вклучени економскиот оператор Монтинг Инженеринг, вработените во ТЕЦ Неготино, АД ЕСМ, РЕК Битола и консултанти од производителот од Украина.

Генераторот е произведен во 1975г и во ТЕЦ Неготино е ставен во употреба во 1978г. Ова е прво отворање и големо ремонтирање на генераторот.

Од АД ЕСМ посочија дека вложуваат максимални напори и засилено ги ставаат во функција сите капацитети, со цел да се задоволи зголемената потреба од домашна електрична енергија, со оглед на зголемените задолжувања од страна на Владата кон АД ЕСМ за испорака на енергија кон Универзалниот снабдувач, институциите, како и бизнис секторот.

The post Се вклучува електраната ТЕЦ Неготино appeared first on Република.

Од 1 декември годинава ќе бидат ставени во функција сите производствени капацитет за електрична енергија со кои располага АД ЕСМ, потврди денеска министерот за економија Крешник Бектеши.

Граѓаните и компаниите да бидат спокојни нема да има никаков проблем во делот на снабдување со електрична енергија. Има план за производство и од 1 декември кога се зголемува потрошувачката ќе бидат ставени во функција сите капацитети кои ги поседува ЕСМ – трите блока во РЕК Битола, РЕК Осломеј, ТЕЦ Неготино, КОГЕЛ, целиот хидропотенцијал и Ветерниот парк во Богданци. Во земјава речиси се е под контрола и не се предвидени никакви рестрикции. Во континуитет сите потрошувачи ќе бидат снабдуван со електрична енергија, почнувајќи од домаќинствата па се до големите компании кои се на слободен пазар - рече Бектеши во одговор на новинарско прашање на денешната прес-конференција во Владата.

Нагласи дека доколку потрошувачката на електрична енергија не се зголеми од 1 декември нормално е да не се стават во функција сите капацитети и непотребно да прават трошоци. Треба, како што посочи, да се штеди мазут, јаглен, а средствата кои ќе се заштедат кога нема да работат ќе се користат во моментот кога потрошувачката на електрична енергија ќе биде поголема.

Нагласи дека деновиве треба да пристигне трансформаторот за третиот блок во РЕК Битола по што во мрежа ќе биде ставен и тој блок.

Транспортот на трансформаторот од фабриката во Турција до Битола е комплициран. Во овој момент трансформаторот е во Грција и се подготвуваат два моста за да може да помине товарот што е над 200 тони и во наредните денови да се донесе во РЕК Битола - рече Бектеши.

Посочи дека вториот блок во РЕК Битола е подготвен и од денеска ќе биде вклучен во мрежа и нагласи дека досега не работел заради предвреме реализираните набавки на електрична енергија.

Во последните два до три дена е направен поголем увоз на електрична енергија заради тоа што претходно е направена набавката на електрична енергија за потребите на регулираниот пазар иако вториот блок во РЕК Битола беше подготвен да се стави во функција во текот на викендот. Но, заради тоа што беше направена набавката се одложи ставањето во мрежа на вториот блок во РЕК Битола. Од денеска и тој ќе почне да работи што значи дека ќе се намали количината на увоз на електрична енергија за потребите на регулираниот пазар - прецизира Бектеши.

Доколку се намалат цените на дериватите, како што кажа, веднаш ќе биде вклучена во системот и ТЕЦ Неготино.

Ако моментално го ставиме во функција ТЕЦ Неготино ќе биде поскапо да произведува електрична енергија отколку да се набавува од увоз. Поради цената на мазутот производствената цена на електричната енергија во ТЕЦ Неготино е околу 250 евра за мегават час што е поскапо од моменталните цени на енергијата што можеме да ја набавиме на отворен пазар за потребите на регулираниот пазар - укажа Бектеши.

The post Бектеши: Ако се вклучи ТЕЦ Неготино, струјата ќе биде поскапа од увозната appeared first on Република.

На 20 октомври АД ЕСМ за потребите на РЕК Битола склучува договор за јавна набавка на стоки  во директна спогодба со семејната фирма на директорот на ТЕЦ Неготино и висок функционер во СДСМ, Небојша Стојановиќ од Неготино, „Хем алијанс“ со седиште во Пепелиште. Сопственик на фирмата е неговиот татко, а управител неговата сопруга Милица Стојановиќ. „Хем алијанс“ се обврза во наредните 12 месеци за потребите на РЕК Битола да набавува „чисто органско биоразградливо соединение за спречување на појава на прашина од одложена пепел (РЕК Битола)“. Вредноста на овој договор со ДДВ е 39.117.000 денари. Потписник во име на РЕК Битола е директорот Пеце Матевски.

„Нагласуваме дека не станува збор за набавка со директна спогодба и дека не постои конфликт на интереси. Постапката е спроведена од Комисијата за јавни набавки при подружницата РЕК Битола и одговорно лице на подружницата. Кај истите нема никаков конфликт на интереси со носителот на набавката поради тоа што немаат никакви роднински врски, согласно одредбите на Законот. Законот јасно пропишува што е конфликт на интереси и според предметните одредби, истиот во овој случај не постои. Комисијата за јавни набавки која ја спроведуваше постапката, како и одговорното лице, уредно во досието за постапката има доставено Изјава за непостоење судир на интереси“, се вели во одговорот од РЕК Битола за МКД.мк.

Целиот текст ТУКА.

The post Мажот е директор на ТЕЦ Неготино, а сопругата со РЕК Битола потпишува договор вреден 630 илјади евра appeared first on Република.

Премиерот Димитар Ковачевски, на денешната прес-конференција во Влада, истакна дека не е во ќорсокак ниту државата, ниту граѓаните, ниту Владата, единствен кој што е во ќорсокак е опозицијата, затоа што Владата има многу јасен план за справување со енергетската криза.

„Вие знаете дека на почетокот на оваа енергетска криза прво му дадовме задача на ЕСМ да го зголеми производството за 20% од минатата година, ЕСМ тоа и го оствари и производството на ЕСМ е зголемено за 25% и не само толку, туку за неколку проценти над тоа и доколку ги погледнете бројките кои редовно се објавуваат на сајтот и на ЕСМ, се објавуваат и кај мене на мојата страна, се објавуваат и преку соопштенија и на Владата и на ЕСМ, тогаш забележувате дека на регулираниот пазар, на сите мали потрошувачи и на сите домаќинства се задоволени потребите за електрична енергија 100 процентно од ЕСМ. Притоа иако заради тоа што ЕСМ работи со многу стара технологија, со РЕК Битола, Осломеј, ТЕЦ Неготино кои што навистина се од времето на Југославија во случај на испад на некој од тие капацитети, на некој од блоковите или на некој од централите, треба да се направи и увоз на електрична енергија заради исполнувањето на планот на производство. До сега во текот на изминатите неколку месеци увоз на електрична енергија за регулираниот пазар немаше. Тоа значи дека она што Владата го постави како план, тоа и го остварува“, рече премиерот Ковачевски и додаде дека досега ние немавме ниту еден ден без електрична енергија во државата, иако во регионот имаше држави кои што имаа по 6 часа рестрикции во текот на денот.

Во делот на топлинската енергија, подвлече премиерот Ковачевски, исто како и минатата грејна сезона со оглед на тоа дека опозицијата на државно ниво, а која што е власт на локално ниво и во градот Скопје одби да управува со затоплувањето на граѓаните на град Скопје, истото тоа го направи Владата.

„Како што кажавме дека ќе бидеме први во регионот кои што ќе ја започнат грејната сезона, тоа и го направивме. Гледате дека радијаторите во Скопје се топли со цена на топлинска енергија која што исто така е субвенционирана од страна на државата. Што се однесува до кредитот од 100 милиони евра, тој кредит е обезбеден по најдобри можни услови кои што можат да се најдат во моментов на финансиските пазари. За нас врз основа на одличната соработка која што ја имаме и со Европската банка, меѓутоа и со другите банки беше обезбеден кредит само со ниво на ЛИБОР каматна стапка и тој кредит беше блокиран во Собранието од страна на опозицијата. Јас информирав и на лидерската средба и неколку дена пред тоа и на седница на Влада, министерот за финансии информираше дека заради неодговорното однесување на опозицијата тие финансиски средства бидејќи стоеја на сметката на банката, веќе ги имаат пренаменето за други намени со што на нашата земја и се ускрати од страна на опозицијата да користи исклучително поволни финансиски средства“, рече Ковачевски и додаде дека причината која што ја наведува опозицијата апсолутно е бидејќи наведуваат дека согласно со националната стратегија за енергетика која што е важечка треба сукцесивно да се затвораат капацитети за производство на електрична енергија од лигнит и јаглен какви што национални стратегии за енергетика имаат сите европски држави.

Премиерот Ковачевски рече дека тоа е дел од зелениот договор и од стратегијата на ЕУ, но тие национални стратегии се правени во време кога немаше војна во Украина и кога немаше енергетска и економска криза.

„Затоа со писмо од министерот за економија кое што исто така е наведено и во документите кои се доставени во Собранието е јасно наведено дека и РЕК Битола и Осломеј и ТЕЦ Неготино ќе бидат дел од ревидирана Национална стратегија која што Владата веднаш ќе почне да ја подготвува заедно со експерти. Во истата како и во сите други држави во Европа работниот век и користењето на овие капацитети ќе биде продолжен“, рече Ковачевски.

The post Ковачевски потврди дека услов за заемот од 100 милиони евра бил клучот на РЕК Битола, Осломеј и ТЕЦ Неготино appeared first on Република.

Полицијата се уште бара кој украде турбинско масло во кругот на ТЕЦ „Неготино”, истрагата е во тек. Ова денеска го потврди за МИА, Ристе Самарџиев, портпарол на СВР Велес.

Засега нема конкретни информации што би можеле да се споделат со јавноста, се работи на случајот, рече Самарџиев.

МИА претходно, во месец јули, информираше дека во полиција била пријавена кражба на турбинско масло, во кругот на ТЕЦ „Неготино”.

На ден 13.07.2022 година во 12 часот, од страна на лицето Н.A е пријавено дека во кругот на АД ТЕЦ Неготино, има кражба на турбинско масло, кое било складирано во резервоар и тоа по нивно интерно мерење, недостасуваат 3500 литри турбинско масло, рекоа тогаш од СВР Велес.

The post Скоро месец дена полицијата истражува кој украде 3.5 тони турбинско масло од ТЕЦ „Неготино” appeared first on Република.

Денеска ќе отворам еден скандал, една афера, за тоа како се злоупотребувани позиции од истакнати функционери од СДСМ од Неготино, за вонправно да се стекнат со имотноправна корист! И тоа спротивно на Изборниот Законик и со злоупотреби во делот на јавните набавки, вели Наум Стоилковски.

Директорот на ТЕЦ Неготино и висок функционер во СДСМ, Небојша Стојановиќ од Неготино, преку неговата семејна фирма ХЕМ Алијанс чиј сопственик е неговиот татко, а управител неговата сопруга, во нетранспарентна постапка за јавна набавка, со низа пропусти и недоследности, успеал да добие тендер за изградба на мала хидроцентрала на системот за водоснабдување Лукар, преку јавно приватно партнерство со ЈП Комуналец Неготино.

Тендер на ЈП Комуналец, чија што директорка е Марина Бојаџиева, бил распишан и објавен на првиот ден од изборната кампања за локалните избори 2021 година, односно на 27.09.2021 година, што е во спротивност со Изборниот Законик кој децидно вели дека за време на кампања забрането е објавување на тендери од страна на јавни институции.

Небојша Стојановиќ, користејќи го моментот кога целото внимание на јавноста е насочено кон изборите, од позиција на директор на ТЕЦ Неготино и висок функционер на СДСМ, веројатно се потпрел на своето партиско и политичко влијание за објавување на тендер во своја полза. И на тој тендер е и единствен понудувач!

Директорката на ЈП Комуналец од Неготино Марина Бојаџиева, иако била пристигната само една понуда на овој тендер, не го искористила своето законско право да го поништи тендерот. Среќниот добитник за изградба на мала хидроцентрала на системот за водоснабдување Лукар е директорот на ТЕЦ Неготино и висок функционер во СДСМ, Небојша Стојановиќ.

Институциите почитувани мора да реагираат, а директорката на ЈП Комуналец од Неготино Марина Бојаџиева мора да одговори:

Зошто тендерот е објавен на првиот ден од предизборната кампања?

Дали за предметот на јавна набавка е изработен елаборат за животна средина како законска обврска?

Дали е спроведена јавна расправа и колку граѓаните биле запознаени со намерата за изградба на мала хидроцентрала на системот за водоснабдување Лукар?

Дали формираната Комисија за евалуација на понудите ги исполнила законските критериуми?

Дали во годишниот план за јавни набавки на ЈП Комуналец била предвидена ваква крупна јавна набавка?

Почитувани,

Повеќе од очигледно е дека се работи за типична манипулација на СДСМ и користење на партиски и политички влијанија за лична корист.

Институциите мора да реагираат, во спротивно одобруваат незаконско работење, тендери и партиски злоупотреби за лични цели.

Почитувани,

Македонија со СДСМ нема иднина“, додава тој.

https://www.youtube.com/watch?v=kN-Rr1f2I8s

The post Директорка на ЈП од СДСМ распишала тендер за мала хидроцентрала среде избори, вели Стоилковски appeared first on Република.